ഡല്‍ഹി: ജെ.എന്‍.യുവില്‍ അഫ്‌സല്‍ ഗുരു അനുകൂല മുദ്രാവാക്യം മുഴക്കിയതിന്റെ പേരില്‍ രാജ്യദ്രോഹക്കുറ്റം നേരിടുന്ന ഉമര്‍ ഖാലിദ്, അനിര്‍ഭാന്‍ ഭട്ടാചാര്യ എന്നിവരെ മൂന്നുദിവസത്തെ പൊലീസ് കസ്റ്റഡിയില്‍ വിട്ടു.
തലസ്ഥാനത്തെ വിചാരണക്കോടതിയുടെതാണ് വിധി. ഒരാഴ്ചത്തെ കസ്റ്റഡിയാണ് പൊലീസ് ആവശ്യപ്പെട്ടിരുന്നത്. വൈദ്യ പരിശോധനയ്ക്ക് വിധേയരാക്കിയ ഇരുവരെയും അഞ്ച് മണിക്കൂര്‍ ചോദ്യം ചെയ്തിരുന്നു. ചൊവ്വാഴ്ച രാത്രി വൈകിയാണ് ഹൈക്കോടതി നിര്‍ദ്ദേശത്തെ തുടര്‍ന്ന് ഇരുവരും സര്‍വകലാശാലയ്ക്ക് പുറത്തെത്തി പൊലീസില്‍ കീഴടങ്ങിയത്.
സൗത്ത് കാമ്പസ് സ്റ്റേഷനിലാണ് ഇവര്‍ കസ്റ്റഡിയിലിരിക്കുന്നത്. ഇരുവര്‍ക്കുമൊപ്പം ലുക്ക് ഔട്ട് നോട്ടീസ് പുറപ്പെടുവിച്ചിരുന്ന രാമനാഗ, അശുതോഷ് കുമാര്‍, അനന്ത് പ്രകാശ് എന്നിവര്‍ ഇപ്പോഴും കാമ്പസില്‍ തുടരുകയാണ്.
Discussion about this post