പേരാവൂര്‍: കൊട്ടിയൂരില്‍ പ്രായപൂര്‍ത്തിയാകാത്ത പെണ്‍കുട്ടിയെ വൈദീകന്‍ പീഡിപ്പിച്ച കേസിലെ രണ്ടാം പ്രതിയും ഒന്നാം പ്രതി ഫാ.റോബിന്‍ വടക്കുംചേരിയുടെ സഹായിയുമായിരുന്ന തങ്കമ്മ നെല്ലിയാനി കീഴടങ്ങി. അന്വേഷണോദ്യോഗസ്ഥനായ പേരാവൂര്‍ സി.ഐ സുനില്‍കുമാറിനുമുമ്പാകെയാണ് കീഴടങ്ങിയത്. ഹൈകോടതിയുടെ നിര്‍ദേശ പ്രകാരം കീഴടങ്ങാനുള്ള അവസാനദിവസമായിരുന്നു ഇന്ന്. അതുപ്രകാരമാണ് ഇന്ന് കീഴടങ്ങിയത്. ചോദ്യം ചെയ്യല്‍ പൂര്‍ത്തിയാക്കി വൈദ്യ പരിശോധനയും പൂര്‍ത്തിയാക്കി കോടതിയില്‍ ഹാജരാക്കും. ഇന്നുതന്നെ ജാമ്യം ലഭിക്കും.
കുഞ്ഞിനെ മാറ്റുന്നതിന് സഹായം നല്‍കി, സംഭവംമറച്ചു പിടിക്കുന്നതിന് ഗൂഢാലോചന നടത്തി തുടങ്ങിയ കുറ്റങ്ങളാണ് ഇവര്‍ക്കെതിരെയുള്ളത്. ഒന്നാം പ്രതിയായ ഫാ.റോബിന്റെ വിശ്വസ്തയും ബാലമന്ദിരത്തിലെ സഹായിയുമാണ് തങ്കമ്മ.
കഴിഞ്ഞ ദിവസം എട്ട്, ഒമ്പത്, പത്ത് പ്രതികളായ ഫാ.തോമസ് ജോസഫ് തേരകവും കന്യാസ്ത്രീകളും പൊലീസില്‍ കീഴടങ്ങിയിരുന്നു. ഇതോടെ അഞ്ചു പ്രതികള്‍ പൊലീസ് പിടിയിലായി. ഇനി അഞ്ചുപേരെക്കൂടി പിടികൂടാനുണ്ട്.
Discussion about this post