ഡല്‍ഹി: ഇന്ത്യ ഇസ്രയേലിനെ മാതൃകയാക്കണമെന്ന് യോഗാഗുരു ബാബാ രാംദേവ്. ഒരു ഇന്ത്യന്‍ സൈനീകന്റെ തല പാക്കിസ്ഥാന്‍ വെട്ടിയാല്‍ നൂറാളുടെ തലവെട്ടാന്‍ ഇന്ത്യ മടി കാണിക്കരുത്. ഇക്കാര്യത്തില്‍ ഇസ്രയേലിനെയാണ് പിന്തുടരേണ്ടതെന്നും രാംദേവ് പറഞ്ഞു. പതഞ്ജലിയുടെ വാര്‍ഷിക സമ്മേഷനത്തില്‍ സംസാരിക്കുകയായിരുന്നു അദ്ദേഹം.
പൂഞ്ച് സെക്ടറില്‍ ഇന്ത്യന്‍ സൈനികപോസ്റ്റുകള്‍ക്ക് നേരെ ആക്രമണം നടത്തി കൊല്ലപ്പെട്ട രണ്ട് ജവാന്‍മാരുടെ മൃതദേഹം പാക് സേന വികൃതമാക്കിയിരുന്നു.
നമ്മുടെ ഒന്നോ രണ്ടോ പട്ടാളക്കാരുടെ തലയറുത്താലും ഇസ്രായേലിനെ മാതൃകയാക്കി നൂറുപേരുടെ തലവെട്ടൂ. ജവാന്‍മാരുടെ ബന്ധുക്കള്‍ കരയുന്നതും എന്തിനാണ് തന്റെ കുട്ടിയുടെ മൃതദേഹം വികൃതമാക്കിയതെന്ന് ചോദിക്കുന്നതും താന്‍ കേട്ടെന്നും ബാബാ രാംദേവ് പറഞ്ഞു.
പ്രധാനമന്ത്രി നരേന്ദ്രമോദിയുടെ രക്തത്തില്‍ രാജ്യസ്നേഹമുണ്ടെന്നും തന്റെ കര്‍ത്തവ്യത്തില്‍ നിന്നും മോദി ഒഴിഞ്ഞുമാറില്ലെന്നും രാം ദേവ് വ്യക്തമാക്കി.
പതഞ്ജലി അടുത്ത വര്‍ഷമാകുമ്പോഴേക്കും 60,000 കോടി രൂപയുടെ ഉല്‍പാദനം നടത്താനാണ് ലക്ഷ്യമിടുന്നത്. ചൈനീസ് ഉല്‍പന്നങ്ങള്‍ ബഹിഷ്‌കരിക്കണം. വിദേശ കമ്പനികള്‍ എപ്പോഴും ഇന്ത്യയും ഇന്ത്യയെ കൊള്ളയടിച്ചിട്ടുണ്ട്. ആകെ 50 ലക്ഷം കോടി രൂപയോളം ഇന്ത്യയില്‍ നിക്ഷേരമുള്ള കോള്‍ഗേറ്റ്, യൂണിലിവര്‍, പ്രോക്ടര്‍, ഗാംബിള്‍ എന്നീ കമ്പനികളെയും രാംദേവ് വിമര്‍ശിച്ചു.
Discussion about this post