സാന്റിയാഗോ: ജനിച്ച് മാസങ്ങള്‍ മാത്രമായ കുഞ്ഞ് നിര്‍ത്താതെ കരയുമ്പോള്‍ കുഞ്ഞിന്റെ അരികില്‍ കിടന്ന് ഓം എന്ന് നീട്ടിപ്പറയുമ്പോള്‍ കുഞ്ഞ് നിശബ്ദയായി മാറുന്ന വീഡിയോ നവമാധ്യമങ്ങളില്‍ വൈറലായി. സാന്റിയാഗോയിലെ മോട്ടിവേഷന്‍ സ്പീക്കറായ ഡാനിയേല്‍ എയ്‌സന്‍മാനാണ് തന്റെ കുഞ്ഞുമകള്‍ ഡിവിനയുടെ ചെവിയില്‍ ഓംകാരം ഓതി ഉറക്കുന്നത്. ഡാനിയേലിന്റെ ഫേസ്ബുക്ക് ലൈവ് വീഡിയോ ഒരാഴ്ചയ്ക്കുള്ളില്‍ 25 മില്യണ്‍ ആളുകളാണ് കണ്ടത്.
ഇതിനെത്തുടര്‍ന്ന് മാധ്യമങ്ങളില്‍ വാര്‍ത്തയായി നിറഞ്ഞതോടെ കാഴ്ചക്കാരുടെ എണ്ണം ഇരട്ടിയായി. ഒപ്പം പല സംശയങ്ങളും ഡാനിയേല്‍ എയ്‌സെന്‍മാന്റെ ഫേസ്ബുക്കിലേക്കും മറ്റുമായി വന്നു. കുട്ടിയെ ഇങ്ങനെ ഉറക്കാന്‍ പറ്റുമോ? ഇത് തട്ടിപ്പാണ് തുടങ്ങിയ കമന്റുകളും വന്നതോടെ വീണ്ടും ഇതേമട്ടില്‍ ഫേസ്ബുക്കില്‍ ലൈവ് വന്നു. ഇതും ഹിറ്റാണെങ്കിലും ആദ്യം നല്‍കിയ ലൈവ് വീഡിയോയുടെ അത്രയും എത്തില്ല.
ഈ വീഡിയോകള്‍ക്കുവന്ന കമന്റുകള്‍ അതിലേറെ രസകരമാണ്.
ഡാനിയേലിന്റെ ഈ വീഡിയോയെ അനുകരിച്ച് പലരും സ്വന്തം മക്കളെ ഉറക്കാന്‍ ശ്രമിച്ചതായി സ്വന്തം അനുഭവം ചേര്‍ത്ത് പലരും എഴുതി. ചിലര്‍ കുഞ്ഞിനെ ഇതേമട്ടില്‍ ഉറക്കി എന്നെഴുതിയപ്പോള്‍ ചിലര്‍ കുഞ്ഞിനെ ഉറക്കാന്‍ വേണ്ടി ഓം എന്ന് ചൊല്ലി ഉറങ്ങിപ്പോയത്രേ! ചിലര്‍ കമന്റിലൂടെ ചില ഞെട്ടിക്കുന്ന കണ്ടെത്തലുകളാണ് നടത്തിയത്. ”ഡാനിയേല്‍, നിങ്ങളുടെ മകള്‍ ഡിവിന കഴിഞ്ഞജന്മത്തില്‍ ഒരു ബുദ്ധസന്യാസിയായിരുന്നു. അതാണ് ബുദ്ധിസ്റ്റുകളുടെ ഓംകാരം കേട്ടപ്പോള്‍ ധ്യാനത്തിലായത്” എന്നായിരുന്നു ഒരാളുടെ കമന്റ്.
ദൈവികമായ അത്ഭുതങ്ങളൊന്നുമില്ലെന്നും ഇത് സംഗീതത്തിന്റെ മാസ്മരികതയാണെന്ന് ഒരു സംഗീതകാരന്‍ കമന്റ് ചെയ്തിട്ടുണ്ട്. ഡാനിയേലും ഇത് ദൈവികതയാണെന്ന് പറയുന്നില്ല. വീഡിയോ എന്തായാലും ഇന്ത്യയിലും തരംഗമായിക്കൊണ്ടിരിക്കുകയാണ്.
[fb_pe url=”https://www.facebook.com/pg/DanielEisenman/videos/” bottom=”30″]
[fb_pe url=”https://www.facebook.com/DanielEisenman/videos/1536094326401074/” bottom=”30″]
Discussion about this post