ഹൈദരാബാദ്: വിദേശ ഇന്ത്യാക്കാര്‍ക്ക് എന്നും താങ്ങും തണലുമായി നില്‍ക്കാറുള്ള സുഷമാ സ്വരാജിന്റെ ഇടപെടലിലൂടെ ഇത്തവണ മോചനം ലഭിച്ചത് സൗദിയില്‍ ഡോക്ടര്‍ ദമ്പതികളുടെ ക്രൂരപീഡനത്തിന് ഇരയായ ഹൈദരാബാദ് സ്വദേശി സബീന ബീഗത്തിനാണ്. സബീനയുടെ വിഷയത്തില്‍ സുഷമാ സ്വരാജിന്റെ നിര്‍ദേശത്തെ തുടര്‍ന്ന് ഇന്ത്യന്‍ എംബസി ഇടപെട്ടു കഴിഞ്ഞു.
2015 ഡിംസബര്‍ 16നാണ് സബീന സൗദിയിലെത്തുന്നത്. എന്നാല്‍ ജോലി ആരംഭിച്ച് ദിവസങ്ങള്‍ക്കുള്ളില്‍ തൊഴിലുടമയുടെ ക്രൂരപീഡനത്തിന് ഇരയായതോടെ സബീന സഹോദരന് ഹമീദിനെ വിളിച്ച് അറിയിക്കുകയായിരുന്നു. ക്രൂരമായ പീഡനങ്ങള്‍ കൂടാതെ ചെയ്യുന്ന ജോലിക്ക് കൂലിയോ, ആഹാരമോ നല്‍കിയിരുന്നില്ലെന്നും ഇവര്‍ ആരോപിക്കുന്നു.
സബീന നാട്ടിലേക്ക് തിരികെ വരാന്‍ ആഗ്രഹം പ്രകടിപ്പിച്ചതോടെ സഹോദരിയെ നാട്ടിലെത്തിക്കാന്‍ ഹമീദ് കേന്ദ്രസര്‍ക്കാരിന്റെ സഹായം തേടുകയായിരുന്നു. തുടര്‍ന്ന് സുഷമയുടെ ഇടപെടലിനെ തുടര്‍ന്ന് സൗദി അംബാസിഡറെ ശ്രദ്ധിയില്‍പെടുത്തുകയും തുടര്‍ന്ന് എംബസി തൊഴിലുടമകളെ സന്ദര്‍ശിക്കുകയുമായിരുന്നു. റംസാന്‍ വ്രതത്തിന് ശേഷം ഇവര്‍ക്ക് നാട്ടിലേക്ക് മടങ്ങാനാകുമെന്നാണ് പ്രതീക്ഷ. എന്നാല്‍ തന്നെ വിടാന്‍ തൊഴിലുടമ തയ്യാറാവുന്നില്ലെന്നും ആറ് മാസത്തേക്ക് കൂടി തടവില്‍ പാര്‍പ്പിക്കുമെന്നാണ് അവര്‍ പറയുന്നതെന്നും സബീന സഹോദരന് അയച്ച ശബ്ദ സന്ദേശത്തില്‍ പറയുന്നു.
Discussion about this post