കണ്ണൂര്‍ : നടി ആക്രമിക്കപ്പെട്ട കേസിലെ പ്രതി നടന്‍ ദിലീപിനു വേണ്ടി പി.ആര്‍.ഏജന്‍സിയെ ഏര്‍പ്പാടാക്കായിത് ആര്‍.എസ്.എസ് പ്രാന്ത സംഘചാലക് പി.ഇ.ബി.മേനോനാണെന്ന് വ്യാജവാര്‍ത്ത നല്‍കിയ ദേശാഭിമാനി പത്രത്തിനും കൈരളി ചാനലിനുമെതിരെ വക്കീല്‍ നോട്ടീസ്. ദിലീപിന്റെ കുടുംബസുഹൃത്താണ് പി.ഇ.ബി.മേനോന്‍ എന്നും ആര്‍.എസ്.എസ് ബന്ധമുള്ള ഏജന്‍സിയാണ് ദിലീപിന് വേണ്ടി പ്രചാരണം നടത്തിയതെന്നും ആയിരുന്നു ദേശാഭിമാനിയും, കൈരളിയും നല്‍കിയ വാര്‍ത്ത.
ആര്‍.എസ്.എസ്സിനെയും തന്നെയും അപകീര്‍ത്തിപ്പെടുത്താന്‍ മനഃപൂര്‍വ്വം പടച്ചുണ്ടാക്കിയ വ്യാജ വാര്‍ത്തയാണിതെന്നും ഈ വാര്‍ത്ത നല്‍കിയ അതേ പ്രാധാന്യത്തോടെ തിരുത്ത് കൊടുക്കാത്ത പക്ഷം നിയമനടപടിയിലേക്ക് നീങ്ങുമെന്നും കാണിച്ചാണ് പി.ഇ.ബി.മേനോന്‍ ദേശാഭിമാനി പത്രത്തിനും കൈരളി ചാനലിന്റെ ഉടമകളായ മലയാളം മലയാളം കമ്മ്യൂണിക്കേഷന്‍സിനും നോട്ടീസ് അയച്ചത്.
ഇതിനുമുന്‍പും ദേശാഭിമാനിയും കൈരളി ചാനലും ആര്‍ എസ് എസിനെതിരെയും നേതാക്കള്‍ക്കെതിരെയും വ്യാജവാര്‍ത്തകള്‍ നല്‍കിയിരുന്നു. ദിലീപിന് അനുകൂലമായി സമൂഹ മാദ്ധ്യമങ്ങളില്‍ നടക്കുന്ന ക്യാമ്പയിനുമായൊ അത് നടത്തുന്ന ഏജന്‍സിയുമായൊ ആര്‍ എസ് എസി നോ നേതാക്കള്‍ക്കോ ഒരു ബന്ധവുമില്ലെന്നും നോട്ടീസില്‍ പറയുന്നു.
Discussion about this post