തിരുവനന്തപുരം: സര്‍ക്കാര്‍ ചീഫ് വിപ്പിനെ നാളെ തീരുമാനിക്കുമെന്ന് കേരള കോണ്‍ഗ്രസ് ചെയര്‍മാന്‍ കെഎം മാണി. ചീഫ് വിപ്പ് ആരായിരിക്കണമെന്നത് സംബന്ധിച്ച തീരുമാനം നാളെ ഉണ്ടാകുമെന്നും മാണി പറഞ്ഞു. എംഎല്‍എമാരും മന്ത്രിമാരുമായി കൂടിയാലോചിച്ച ശേഷമായിരിക്കും തീരുമാനമെന്നും മാണി പറഞ്ഞു. ഡയറിയില്‍ പല പേരുകളും കണ്ടേക്കാമെന്നാണ് സരിത എസ് നായരുടെ കത്തില്‍ ജോസ് കെ മാണിയുടെ പേര് ഉള്‍പ്പെട്ടുവെന്നതിനെ ചൊല്ലിയുള്ള ചോദ്യത്തിന് മറുപടിയായി മാണി പ്രതികരിച്ചത്.
ഇതിനിടെ പി.സി ജോര്‍ജ്ജിനെ തനിക്ക് ഭയമില്ലെന്ന് മുഖ്യമന്ത്രി പറഞ്ഞു. പിസി ജോര്‍ജ്ജിന്റെ കത്ത് കണ്ടപ്പോള്‍ ഞെട്ടിപ്പോയി. കത്തിലെ കാര്യങ്ങള്‍ മുന്‍പ് തനിക്ക് അറിയില്ലെന്ന് മുഖ്യമന്ത്രി പറഞ്ഞു. മാണി ചര്‍ച്ചയ്ക്ക് തയ്യാറായില്ലെന്ന് ജോര്‍ജ്ജ് പറഞ്ഞത് ശരിയല്ലെന്നും ഉമ്മന്‍ചാണ്ടി പറഞ്ഞു
Discussion about this post