കണ്ണൂര്‍: സിറിയയില്‍ എെ.എസ് പ്രവര്‍ത്തകരായ അഞ്ച് മലയാളികളെ തിരിച്ചറിഞ്ഞു. അബ്ദുള്‍ ഖയ്യും, അബ്ദുള്‍ മനാഫ്, ഷബീര്‍, സുഹെെല്‍, സഫ്‍വാന്‍ എന്നിവരെയാണ് പോലീസ് തിരിച്ചറിഞ്ഞത്. കഴിഞ്ഞ ഏതാനും വര്‍ഷങ്ങളായി സിറിയയില്‍ തീവ്രവാദ പ്രവര്‍ത്തനം നടത്തുന്നവരാണ് ഇവരെന്ന് പോലീസ് പറഞ്ഞു. ഇവരുടെ ഫോട്ടോകളും പോലീസ് പുറത്ത് വിട്ടിട്ടുണ്ട്.
കണ്ണൂര്‍ ജില്ലയിലെ തെച്ചിക്കുളത്തെ ആലക്കാടന്‍കണ്ടി അബ്ദുള്‍ ഖയ്യും, വളപട്ടണം സ്വദേശികളായ അബ്ദുള്‍ മനാഫ്, ഷബീര്‍, ഷബീറിന്‍റെ ബന്ധു സുഹെെല്‍, പാപ്പിനിശേരി സ്വദേശിയായ സഫ്‍വാന്‍ എന്നിവരെ കുറിച്ചാണ് പോലീസ് വിവരങ്ങള്‍ പുറത്ത് വിട്ടിരിക്കുന്നത്.
കഴിഞ്ഞ ദിവസം കണ്ണൂരില്‍ നിന്ന് എെഎസ് റിക്രൂട്ട്മെന്റ് നടത്തുന്ന ഹംസ ഉള്‍പ്പെടെയുള്ളവരെ പോലീസ് പിടികൂടിയിരുന്നു. ഇവരെ ചോദ്യം ചെയ്തപ്പോഴാണ് കൂടുതല്‍ എെ.എസ് പ്രവര്‍ത്തകരെ കുറിച്ച്‌ വിവരം ലഭിച്ചത്.
Discussion about this post