കൊച്ചി: കായൽ കൈയേറ്റ വിഷയത്തിൽ ഗുരുതര ആരോപണങ്ങൾ നേരിടുന്ന ഗതാഗതമന്ത്രി തോമസ് ചാണ്ടിക്ക് ഹൈക്കോടതിയുടെ രൂക്ഷ വിമർശനം. സംസ്ഥാനത്തെ ഒരു മന്ത്രിക്ക് താൻ അംഗമായ സർക്കാരിനെതിരെ എങ്ങനെ ഹർജി നൽകാനാകുമെന്ന് ഹൈക്കോടതി ചോദിച്ചു. ഇതിന് മറുപടി നൽകിയിട്ടു മതി മറ്റ് നടപടികളെന്നും കോടതി തോമസ് ചാണ്ടിയുടെ അഭിഭാഷകൻ വിവേക് തൻഖയെ അറിയിച്ചു. ചീഫ് സെക്രട്ടറിയെയും മുഖ്യമന്ത്രിയെയും എതിർ കക്ഷിയാക്കിയാണ് മന്ത്രിയുടെ പരാതി.
മന്ത്രിക്ക് സര്ക്കാരിനെതിരെ ഹര്ജി കൊടുക്കാന് കഴിയുമോ? ആദ്യം ഇക്കാര്യം വിശദീകരിക്കണമെന്നും ഹൈക്കോടതി വ്യക്തമാക്കി. മന്ത്രി ഹര്ജി ഫയല് ചെയ്യുന്നത് അപൂര്വ്വമാണെന്നും കോടതി ചൂണ്ടിക്കാട്ടി. ആദ്യം ഇക്കാര്യം വിശദീകരിക്കണം. മന്ത്രിക്ക് ഹര്ജി നല്കാന് കഴിയില്ല. ഒരു വ്യക്തിക്കേ ഹര്ജി നല്കാന് കഴിയുകയുള്ളൂവെന്നും കോടതി വ്യക്തമാക്കി.
ഹര്ജിയുടെ ആദ്യവരിയില് പരാതിക്കാരന് മന്ത്രി എന്ന് പറയുന്നു. മന്ത്രി ഭരണസംവിധാനത്തെ എങ്ങനെ ചോദ്യം ചെയ്യുന്നുവെന്നും കോടതി ചോദ്യം ഉന്നയിച്ചു.
മന്ത്രി തോമസ് ചാണ്ടി ഉള്പ്പെട്ട ഭൂമികൈയേറ്റം സംബന്ധിച്ച റിപ്പോര്ട്ട് റദ്ദാക്കണമെന്ന് ആവശ്യപ്പെട്ടാണ് തോമസ് ചാണ്ടി ഹൈക്കോടതിയെ സമീപിച്ചത്. സര്ക്കാരിനെതിരെ കോടതിയെ സമീപിച്ച മന്ത്രിയുടെ നടപടിക്കെതിരെ എല്ഡിഎഫില് തന്നെ വിമര്ശനം ഉയര്ന്നിരുന്നു.
ഒരു മന്ത്രി എന്ന നിലയിലാണ് ചാണ്ടി ഹര്ജി നല്കിയിരിക്കുന്നതെന്നും കോടതി ചൂണ്ടിക്കാട്ടി. ഒരു വ്യക്തി എന്ന നിലയിലാണ് അദ്ദേഹം ഹര്ജി നല്കിയതെന്ന് ചാണ്ടിക്കുവേണ്ടി ഹാജരായ അഭിഭാഷകന് വിവേക് തന്ഖ പറഞ്ഞു.
മന്ത്രി ഭരണസംവിധാനത്തെ ചോദ്യം ചെയ്യുന്നത് എങ്ങനെയെന്ന ഹൈക്കോടതിയുടെ വിമര്ശനം തുടക്കത്തില് തന്നെ തോമസ് ചാണ്ടിക്ക് കല്ലുകടിയായിരിക്കുകയാണ്. എല്.ഡി.എഫിലെ പ്രമുഖ കക്ഷികളുടെ വിമര്ശനത്തിന് വിധേയമായിട്ടും മന്ത്രിസ്ഥാനം രാജിവെക്കാതെ മുന്നോട്ടു പോകുന്ന തോമസ് ചാണ്ടി ഹൈക്കോടതിയിലെ കേസില് വിധി വരുന്നതെ കാത്തിരിക്കാനാണ് ശ്രമിക്കുന്നതെന്നും റിപ്പോര്ട്ടുകളുണ്ടായിരുന്നു.
ഇന്ന് തോമസ് ചാണ്ടി നല്കിയതടക്കം വിഷയത്തില് നാല് കേസുകളാണ് ഹൈക്കോടതി പരിഗണിക്കുന്നത്. ചാണ്ടിക്ക് വേണ്ടി ഹാജരാകുന്ന കോണ്ഗ്രസ് എം.പിയും അഭിഭാഷകനുമായ വിവേക് തന്ഖ പറഞ്ഞു.
റവന്യൂ വകുപ്പിനെതിരേയും കോടതി വിമര്ശനം ഉന്നയിച്ചു. എന്ത് അടിസ്ഥാനത്തിലാണ് കളക്ടറെക്കൊണ്ട് അന്വഷിപ്പിച്ചതെന്നാണ് കോടതി ആരാഞ്ഞത്. അതേസമയം നടപടിക്ക് ശുപാര്ശ ചെയ്ത സ്ഥലം തോമസ് ചാണ്ടിയുടേതല്ലെന്ന് വിവേക് തന്ഖ കോടതിയില് വാദിച്ചു. ആലപ്പുഴ കലക്ടര് നടപടിക്ക് ശുപാര്ശ ചെയ്ത സ്ഥലങ്ങള് ചാണ്ടിയുടെ പേരിലല്ല. കലക്ടര് നോട്ടിസ് നല്കിയത് വാട്ടര് വേള്ഡ് കമ്പനിയുടെ എം.ഡിക്കാണ്. മന്ത്രിയായപ്പോള് കമ്പനി ഡയറക്ടര് സ്ഥാനം രാജിവച്ചിരുന്നുവെന്നും കമ്പനി തെറ്റ് ചെയ്തെങ്കില് കമ്പനിക്കെതിരെ നടപടിയെടുക്കാമെന്നും അഭിഭാഷകന് വാദിച്ചു.
തന്നെ ഈ വിഷയത്തിലേക്ക് വലിച്ചിഴയ്ക്കുകയാണെന്നും തോമസ് ചാണ്ടി പറഞ്ഞു.
നികത്തപ്പെട്ടത് ഭൈരവന്,ആശാലത എന്നിവരുടെ ഭൂമിയാണ്. ഈ ഭൂമി തനിക്ക് കൈമാറിയെന്ന കലക്ടറുടെ കണ്ടെത്തല് ശരിയല്ല. തന്റെ പേര് കലക്ടറുടെ റിപ്പോര്ട്ടിലേക്ക് വലിച്ചിഴച്ചത് ആസൂത്രിതമെന്നും മന്ത്രി ആരോപിക്കുന്നു.
എന്നാല് തോമസ് ചാണ്ടിയുടെ ഹര്ജി മന്ത്രിസഭയ്ക്കെതിരല്ലെന്നാണ് സര്ക്കാര് വാദം. വ്യക്തി എന്ന നിലയിലാണ് തോമസ് ചാണ്ടിയുടെ ഹര്ജിയെന്നും സ്റ്റേറ്റ് അറ്റോര്ണി വ്യക്തമാക്കി.
ചാണ്ടിയെ ന്യായീകരിച്ച സ്റ്റേറ്റ് അറ്റോര്ണിയേയും കോടതി വിമര്ശിച്ചു.
Discussion about this post