വാഷിങ്ങ്ടണ്:രാജ്യത്തിന്റെ സാമ്പത്തിക കാര്യങ്ങളില് ജനപങ്കാളിത്തം വര്ധിപ്പിക്കുന്നതില് മോദിയുടെ ശക്തമായ നേതൃപാടവം വലിയ പങ്ക് വഹിച്ചതായി ലോക ബാങ്ക് മേധാവി ജിം യോംഗ് കിം.പ്രധാന മന്ത്രിയുടെ ജന്ധന് യോജന പദ്ധതി പ്രകാരം ഒന്നേകാല് കോടി ജനങ്ങള് കഴിഞ്ഞ ആറുമാസത്തിനകം ബാങ്ക് അക്കൗണ്ടുകള് തുറന്നു. ലോക ബാങ്ക് ഈ ആഴ്ച പുറത്തുവിട്ട റിപ്പോര്ട്ടിലാണ് ഇക്കാര്യങ്ങള് വ്യക്തമാക്കുന്നത്.
2014 ആഗസ്റ്റില് അവതരിപ്പിച്ച ഇന്ത്യയിലെ മുഴുവന് ഗൃഹസ്ഥര്ക്കും ബാങ്ക് അക്കൗണ്ടുകള് വേണമെന്ന ദീര്ഘവീക്ഷണമുള്ള സാമ്പത്തിക അവലോകനത്തിലൂടെയാണ് ഇതു നടപ്പിലായതെന്നും കിം വ്യക്തമാക്കി.2013 ലെ കണക്കുകള് പ്രകാരം ബാങ്ക് അക്കൗണ്ടുള്ളവര് 400 ദശലക്ഷത്തിലും താഴെയായിരുന്നു.വാഷിങ്ങ്ടണില് നടന്ന അന്താരാഷ്ട്ര ധനവിനിയോഗ വിഭാഗവും,ലോക ബാങ്കും സംയുകതമായി സംഘടിപ്പിച്ച സെമിനാറിലാണ് ജിംയോഗ് കിം ഇന്ത്യന് പ്രധാന മന്ത്രിയുടെ അസാധാരണ നേതൃ പാടവത്തെ പ്രശംസിച്ചത്.റിസര്വ് ബാങ്ക് ഗവര്ണ്ണര് രഘു റാം രാജിന്റെ പങ്കിനെയും അദ്ദേഹം അഭിനന്ദിച്ചു.
2020 ഒടെ സാമ്പത്തിക സേവന ലഭ്യത സാര്വത്രികമാക്കാനാണ് ലോക ബാങ്ക് ലക്ഷ്യമിടുന്നത്.ഇക്കാര്യത്തില് വലിയ പുരോഗതി കൈവരിച്ചതിന്റെ തെളിവുകളാണിതെന്നും കിം പറഞ്ഞു.
Discussion about this post