കൊച്ചിയില് വീട്ടുകാരെ കെട്ടിയിട്ട് കവര്ച്ച നടത്തിയ സംഭവങ്ങളില് സഹായി ആയി പ്രവര്ത്തിച്ച ഷെമിം പിടിയിലായി. ഒളിവിലായിരുന്ന ഇയാള് ബംഗളൂരുവില് വച്ചാണ് പിടിയിലായത്.
ഡല്ഹിയില് പിടിയിലായ സംഘത്തെ ഇന്ന് കൊച്ചിയിലെത്തിച്ചു. ബംഗ്ലാദേശ് സ്വദേശി ഷംസാദ്, ഡല്ഹി സ്വദേശികളായ അര്ഷാദ്, റോണി എന്നിവരെയാണ് അന്വേഷണസംഘം നാട്ടിലെത്തിച്ചത്. തൃപ്പൂണിത്തുറ ഹില്പാലസ് പോലിസ് സ്റ്റേഷനില് ആണ് ഇവരെ ചോദ്യം ചെയ്യുന്നത്. പ്രതികളെ തിരിച്ചറിയല് പരേഡിന് വിധേയമാക്കുമെന്ന് പോലിസ് അറിയിച്ചു.
ഡിസംബര് 15നു പുലര്ച്ചെ എറണാകുളം പുല്ലേപ്പടിയിലും 16നു പുലര്ച്ചെ തൃപ്പൂണിത്തുറ എരൂരിലുമാണു കവര്ച്ച നടന്നത്. പുല്ലേപ്പടിയിലെ വീട്ടില് വയോധികയെ ബന്ദിയാക്കി അഞ്ചു പവനും എരൂര് എസ്എംപി കോളനി റോഡിലെ വീട്ടില് ഗൃഹനാഥനെ തലയ്ക്കടിച്ചുവീഴ്ത്തിയും വീട്ടുകാരെ കെട്ടിയിട്ടും 54 പവനും 20,000 രൂപയുമാണു കവര്ന്നത്. ഇരു കവര്ച്ചയ്ക്കും പിന്നില് പ്രവര്ത്തിച്ചത് ഒരു സംഘം തന്നെയെന്ന് അന്നുതന്നെ പൊലീസിനു സൂചന ലഭിച്ചിരുന്നു. ബംഗാളും ഉത്തരേന്ത്യയും കേന്ദ്രീകരിച്ചു നടത്തിയ ഒരു മാസത്തോളം നീണ്ട അന്വേഷണത്തിലാണു മൂന്നു പേര് പിടിയിലായത്.
Discussion about this post