തിരുവനന്തപുരം: കേരളനിയമസഭയുടെ ബജറ്റ് സമ്മേളനത്തിലെ പൊതുചര്ച്ചകള്ക്ക് ഇന്ന് തുടക്കമാക്കും. ധനമന്ത്രി തോമസ് ഐസക് അവതരിപ്പിച്ച പൊതുബജറ്റിലാണ് ഇന്നു മുതല് മൂന്ന് ദിവസം ചര്ച്ചകള് നടക്കുന്നത്.
ചിലവുചുരുക്കല് ബജറ്റ് അവതരിപ്പിച്ച ധനമന്ത്രി തോമസ് ഐസക് തന്നെ വിവാദത്തില് കുടുങ്ങിയെന്നത്. ബജറ്റ് സമ്മേളനത്തിനെ ശബ്ദമയമാക്കും. തോമസ് ഐസക് കോട്ടയ്ക്കലില് ആയുര്വേദ ചികില്സ നടത്തിയതും സ്പീക്കറുടെ കണ്ണട വിവാദവുമെല്ലാം സഭയില് പ്രതിപക്ഷം ഉയര്ത്തും ഐസക് അവതരിപ്പിച്ച ബജറ്റ് നിരാശാജനകമാണെന്ന നിലപാടിലാണ് പ്രതിപക്ഷം.
സ്പീക്കര് പി ശ്രീരാമകൃഷ്ണന് അരലക്ഷം രൂപ വിലയുള്ള കണ്ണട സര്ക്കാര് ചിലവില് വാങ്ങിയെന്ന രേഖകള് പുറത്തു വന്നിരുന്നു. പിറകെ ധനമന്ത്രി സ്വകാര്യ ആശുപത്രിയില് നടത്തിയ ചികിത്സാ കണക്കിലെ വൈചിത്ര്യവും ചര്ച്ചയായി. ഒന്നേ മുക്കാല് ലക്ഷം രൂപയാണ് തോമസ് ഐസക് ചികിത്സക്കായി ചിലവാക്കിയത്. ചികിത്സയേക്കാള് ചിലവ് വന്നത് താമസിച്ച മുറിയുടെ വാടകയാണ്. 14 തോര്ത്തുകളുടേയും, തലയണയുടേയും വില മന്ത്രി റി ഇമ്പേഴ്സ് ചെയ്തതും വിവാദമായി.
Discussion about this post