ത്രിപുരയില്‍ നിയമസഭാതെരഞ്ഞെടുപ്പില്‍ സി.പി.എം സ്ഥാനാര്‍ത്ഥിക്ക് വോട്ട്‌ചെയ്യാത്തതിനെ തുടര്‍ന്ന് 32 വയസുള്ള ആദിവാസി വീട്ടമ്മയെ ക്രൂരമായി കൊലപ്പെടുത്തിയെന്ന് റിപ്പോര്‍ട്ടുകള്‍. വടക്കന്‍ ത്രിപുരയിലെ പെരുന്നാള്‍ പോലീസ് സ്റ്റേഷനിലെ നാല്‍കട്ട ഗ്രാമത്തിലെ ജിതാനി ചക്മയാണ് കൊല്ലപ്പെട്ടത്. ജിതാനി ചാക്മ ബിജെപി പ്രവര്‍ത്തകകൂടിയാണ്.ത്രിപുരയിലെ പ്രാദേശിക മാധ്യമങ്ങള്‍ പുറത്തുവിട്ട വാര്‍ത്ത ദേശീയ മാധ്യമങ്ങള്‍ ചിലത് കൂടി ഏറ്റെടുത്തതോടെയാണ് സംഭവം ചര്‍ച്ചയായത്.
വാര്‍ത്തകളില്‍ പറയുന്നത് ഇങ്ങനെ-വീട്ടില്‍ ഭക്ഷണം പാചകംതെയ്തുകൊണ്ടിരിക്കുമ്പോളാണ് വീട്ടമ്മക്കെതിരെ അക്രമം ഉണ്ടായത്. ഭര്‍ത്താവ് മാര്‍ക്കറ്റില്‍ പോയ സമയത്താണ് ആക്രമികള്‍ എത്തിയത്. ഗ്രാമീണ സമിതിയിലെ അംഗങ്ങള്‍ ,ജ്യോതിര്‍മ ചക്മയുടേയും അടുത്ത ബന്ധുക്കള്‍ എന്നിവരാണ് സംഘത്തിലുണ്ടായിരുന്നത്്. ഈ പരിക്കേറ്റ അവസ്ഥയില്‍ പോലും അക്രമി സംഘം ലൈംഗികമായി പീഡിപ്പിക്കാന്‍ ശ്രമിച്ചു. സഹായത്തിനായി പ്രദേശവാസികള്‍ സ്ഥലത്തെത്തിയതോടെ അക്രമികള്‍ സ്ഥലം വിടുകയായിരുന്നു. പ്രാദേശിക പ്രാഥമികാരോഗ്യകേന്ദ്രത്തിലേയ്ക്കും പിന്നീട് ഗുരുതരാവസ്ഥയില്‍ അഗര്‍ത്തലയിലെ ജിബിപി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
Discussion about this post