ഡല്‍ഹി: ഭീകരവാദത്തെ നേരിടുന്നതില്‍ അഫ്ഗാനിസ്ഥാനു പൂര്‍ണപിന്തുണ നല്‍കുമെന്ന് പ്രധാനമന്ത്രി നരേന്ദ്രമോദി പ്രഖ്യാപിച്ചു. അഫ്ഗാന്‍ പ്രസിഡന്റ് അഷ്‌റഫ് ഗനിയുമായി നടത്തിയ കൂടിക്കാഴ്ചയ്ക്കു ശേഷമാണു മോദി ഇന്ത്യന്‍ നിലപാട് അറിയിച്ചത്.
സുരക്ഷ സംബന്ധിച്ച കാര്യങ്ങളില്‍ യോജിച്ച് പ്രവര്‍ത്തിക്കാനും ഇരുരാജ്യങ്ങളും തീരുമാനിച്ചു.
അക്രമവും രക്തച്ചൊരിച്ചിലും ഇല്ലാത്തൊരു അഫ്ഗാന്‍ ഇന്ത്യയുടെ താത്പര്യമാണ്. സ്ത്രീകള്‍ ഉള്‍പ്പെടെ അഫ്ഗാനിലെ എല്ലാ വിഭാഗക്കാരുടെയും താല്‍പര്യങ്ങള്‍ സംരക്ഷിക്കാനും കഴിയണം. ഇതിനായി അയല്‍രാജ്യങ്ങള്‍ സഹകരിക്കണമെന്നു പാക്കിസ്ഥാനെ പരോക്ഷമായി സൂചിപ്പിച്ചുകൊണ്ടു മോദി പറഞ്ഞു.
Discussion about this post