യുഎന്‍: മുബൈ ഭീകരാക്രമണത്തിന്റെ സൂത്രധാരനായ സാഖിര്‍ റഹ്മാന്‍ ലഖ്വിയുടെ മോചനത്തില്‍ ഐക്യരാഷ്ട്രസഭ ഇടപെടണമെന്ന് ഇന്ത്യ ആവശ്യപ്പെട്ടു. രാജ്യാന്തര ചട്ടക്കൂടിന്റെ ലംഘനമാണ് ലാഖ്!വിയുടെ മോചനം. ഈ വിഷയം പാക്കിസ്ഥാന്റെ മുന്നില്‍ ഉന്നയിക്കണമെന്നും ഇന്ത്യയുടെ ഐക്യരാഷ്ട്ര സഭയിലെ സ്ഥിരം പ്രതിനിധിയായ അശോക് മുഖര്‍ജി ആവശ്യപ്പെട്ടിട്ടുണ്ട്.
ലഖ്‌വിയെ മോചിപ്പിച്ചുകൊണ്ടുള്ള പാക്ക് കോടതിയുടെ ഉത്തരവ് യുഎന്‍ പ്രമേയം 1267 പ്രകാരമുള്ള ലംഘനമാണ്. അല്‍ഖ്വായിദയും ലഷ്‌കര്‍ ഇ തയിബയും അടക്കമുള്ള തീവ്രവാദ സംഘടനകളുമായി ബന്ധപ്പെട്ട വ്യക്തികളും സ്ഥലങ്ങളുമായുള്ള വിഷയങ്ങളില്‍ തീരുമാനമെടുക്കുന്ന യുഎന്‍ സമിതിക്ക് മുന്നിലാണ് ഇന്ത്യ ഈ ആവശ്യം ഉന്നയിച്ചത്. ലഖ്വിയുടെ ജാമ്യവുമായി ബന്ധപ്പെട്ട കാര്യങ്ങളിലും ഇന്ത്യ ആശങ്ക ഉന്നയിച്ചു.
ലഖ്!വിയുടെ മോചനവുമായി ബന്ധപ്പെട്ട് യുഎസ്, യുകെ, റഷ്യ, ഫ്രാന്‍സ്, ജര്‍മ്മനി തുടങ്ങിയ രാജ്യങ്ങളും ആശങ്ക പ്രകടിപ്പിച്ചിരുന്നു. ലഖ്‌വിയെ വീണ്ടും അറസ്റ്റ് ചെയ്യണമെന്ന് അമേരിക്ക വശ്യപ്പെട്ടിരുന്നു.
ലാഹോര്‍ ഹൈക്കോടതിയാണ ്ഈ വര്‍ഷം ഏപ്രില്‍ 9ന് ലഖ്‌വിയെ മോചിപ്പിച്ചു കൊണ്ട് ഉത്തരവ് പുറപ്പെടുവിപ്പിച്ചത്.
Discussion about this post