സാമ്പത്തിക മേഖലയില് വളര്ന്നുകൊണ്ടിരിക്കുന്ന രാജ്യങ്ങളുടെ പട്ടികയില് ഇന്ത്യ ഒന്നാമതായെത്തിയിരിക്കുകയാണ്. എക്കണോമിസ്റ്റ് മാഗസിനാണ് ഇതെപ്പറ്റിയുള്ള സര്വ്വേ നടത്തിയത്. ഈ സര്വ്വേ അനുസരിച്ച് ഭൂരിപക്ഷം സാമ്പത്തിക വിദഗ്ദ്ധരും വിശ്വസിക്കുന്നത് ഇക്കൊല്ലത്തോടെ
ഇന്ത്യ ഏറ്റവും വേഗത്തില് വളരുന്ന സാമ്പത്തിക ശക്തിയായി മാറുമെന്ന് വിശ്വസിക്കുന്നു. ഏപ്രില് 11 മുതല് 18 വരെയുള്ള കാലഘട്ടത്തിലാണ് ഈ സര്വ്വേ നടത്തിയത്. ഇക്കൊല്ലം ഇന്ത്യയുടെ സാമ്പത്തിക വളര്ച്ച 7.4 ശതമാമായി വര്ദ്ധിക്കുമെന്നും സര്വ്വേയില് പറയുന്നു.
യു.എസും ചൈനയും തമ്മില് നടന്നുകൊണ്ടിരിക്കുന്ന വ്യാപാര യുദ്ധത്തിനിടയിലൂടെയാണ് ഇന്ത്യ സാമ്പത്തിക വളര്ച്ച കൈവരിക്കുന്നതെന്ന് റാബോബാങ്കിലെ മുതിര്ന്ന സാമ്പത്തിക വിദഗ്ദ്ധന് ഹ്യൂഗോ എര്ക്കെന് പറഞ്ഞു. വ്യാപാര യുദ്ധത്തില് ഏതെങ്കിലും ഒരു രാജ്യത്തിനെ പിന്തുണച്ചാല് അത് ഇന്ത്യയ്ക്ക് ദോഷകരമാകുമെന്നും അദ്ദേഹം കൂട്ടിച്ചേര്ത്തു. ഏതെങ്കിലുമൊരു രാജ്യത്തിന്മേലുള്ള നികുതി ഇന്ത്യ വര്ദ്ധിപ്പിച്ചാല് അത് ഇന്ത്യയ്ക്ക് തിരിച്ചടിയാകുമെന്നും അദ്ദേഹം പറഞ്ഞു. എന്നാല് അങ്ങനൊരു സംഭവ വികാസം ഉണ്ടാകാന് സാധ്യതയില്ലെന്നും അദ്ദേഹം അഭിപ്രായപ്പെട്ടു.
അതേസമയം വ്യാപാര യുദ്ധത്തില് നിന്നും ഇന്ത്യയ്ക്ക് ലാഭം മാത്രമാകും ഉണ്ടാകുമെന്നാണ് ടോറസ് അസറ്റ് മാനേജ്മെന്റിന്റെ മാനേജിംഗ് ഡയറക്ടറായ അര്.കെ.ഗുപ്ത അഭിപ്രായപ്പെട്ടു. “ഹ്രസ്വ കാലാടിസ്ഥാനത്തില് വ്യപാര യുദ്ധം ഇന്ത്യയെ ദോഷകരമായി ബാധിക്കുമെങ്കിലും ദീര്ഘകാലാടിസ്ഥാനത്തില് അത് ഇന്ത്യയ്ക്ക് ഗുണം ചെയ്യും. വ്യാപാര യുദ്ധത്തിന്റെ പശ്ചാത്തലത്തില് ആഗോള വിപണിയില് തങ്ങളുടെ സ്ഥാനം നിലനിര്ത്താന് വേണ്ടി ചൈനയ്ക്ക് തങ്ങളുടെ കറന്സിയുടെ മൂല്യം കുറച്ചേ മതിയാകു. ആ അവസരത്തില് ഇന്ത്യയ്ക്കായിരിക്കും ചൈനയെക്കാള് ലാഭം നേടാന് സാധിക്കുക.” അദ്ദേഹം പറഞ്ഞു.
Discussion about this post