ഡല്‍ഹി; ബിജെപി ദേശീയ അദ്ധ്യക്ഷന്‍ അമിത്ഷാ ചെവ്വാഴ്ച കേരളത്തിലെത്തും. 2019ലെ ലോക്‌സഭാ തിരഞ്ഞെടുപ്പിനു മുന്നോടിയായി വിവിധ സംസ്ഥാനങ്ങളില്‍ നടത്തുന്ന സന്ദര്‍ശനത്തിന്റെ ഭാഗമായാണ് കേരളത്തിലും എത്തുക. തിരുവനന്തപുരത്തു നടത്തുന്ന മുഴുദിന ചര്‍ച്ചകളില്‍ എല്ലാ തലത്തിലുമുള്ള നേതാക്കളുമായി അമിത് ഷാ സംവദിക്കും.
തെക്കന്‍ കേരളത്തിലെ ആറു ലോക്‌സഭാ മണ്ഡലങ്ങള്‍ സംബന്ധിച്ച കാര്യങ്ങളാണ് ചര്‍ച്ചയാവുക. തിരുവനന്തപുരം, ആറ്റിങ്ങല്‍, കൊല്ലം, പത്തനംതിട്ട, മാവേലിക്കര, ആലപ്പുഴ. അടുത്ത സന്ദര്‍ശനത്തില്‍ മറ്റു മണ്ഡലങ്ങളെപ്പറ്റിയും ചര്‍ച്ചയുണ്ടാവും. എന്നാല്‍, സന്ദര്‍ശനത്തിനു പിന്നാലെ അധ്യക്ഷ നിയമനം പ്രതീക്ഷിക്കാമെന്നു ജനറല്‍ സെക്രട്ടറി മുരളീധര റാവു വെളിപ്പെടുത്തി.
Discussion about this post