ഡല്‍ഹി: കനത്ത മഴയില്‍ യമുനാ നദിയിലെ ജലനിരപ്പ് വീണ്ടും ഉയര്‍ന്നു. ഇതിനെ തുടര്‍ന്ന് ഡല്‍ഹിയില്‍ വെള്ളപ്പൊക്ക മുന്‍കരുതലുകള്‍ ശക്തമാക്കി. താഴ്ന്ന പ്രദേശത്ത് ജീവിച്ച കുടുംബങ്ങളെ മാറ്റുപ്പാര്‍പ്പിച്ചു. 3000 പേരെ സുരക്ഷിത സ്ഥാനത്തേക്ക് മാറ്റി.
ശക്തമായ ഡല്‍ഹിയിലേക്കുള്ള 27 ട്രെയിനുകള്‍ റദ്ദാക്കി. മറ്റു ട്രെയിനുകള്‍ വഴി തിരിച്ചുവിട്ടു. നദിക്ക് കുറുകെയുള്ള യമുന ബ്രിഡ്ജ് അടച്ചിട്ടിരിക്കുകയാണ്. അഞ്ചു വര്‍ഷത്തിനിടെ ആദ്യമായാണ് യമുനയിലെ ജലനിരപ്പ് ക്രമാതീതമായി ഉയരുന്നത്. ജലനിരപ്പ് ഉയര്‍ന്നത് ഹരിയാനയിലെ 65 ഗ്രാമങ്ങളെ ബാധിച്ചിട്ടുണ്ട്. വെള്ളപ്പൊക്ക ഭീതിയെ തുടര്‍ന്ന് ഹരിയാന മുഖ്യമന്ത്രി മനോഹര്‍ ലാല്‍ ഘട്ടര്‍ അടിയന്തര യോഗം വിളിച്ചു.
Discussion about this post