കേരളത്തില്‍ രക്ഷാപ്രവര്‍ത്തനം നടത്താന്‍ സൈന്യത്തിന്റെ സഹായം വേണമെങ്കിലും അത് പൂര്‍ണമായി സൈന്യത്തെ ഏല്‍പ്പിക്കാനാവില്ലെന്ന് സി.പി.എം സെക്രട്ടറി കോടിയേരി ബാലകൃഷ്ണന്‍. സൈന്യത്തിന്റെ രക്ഷപ്രവര്‍ത്തക സംഘം കേരളത്തിലെത്താന്‍ വൈകിയെന്നും ഇത് മൂലം പല ആശയക്കുഴപ്പങ്ങളുണ്ടായെന്നും അദ്ദേഹം പറഞ്ഞു.
സര്‍ക്കാര്‍ ദുരഭിമാനം വെടിഞ്ഞ് രക്ഷാപ്രവര്‍ത്തനം സൈന്യത്തിന് കൈമാറണമെന്ന് പ്രതിപക്ഷ നേതാവ് രമേശ് ചെന്നിത്തല അഭിപ്രായപ്പെട്ടിരുന്നു. പോലീസിനും അഗ്നിശമന സേനക്കും പരിമിതികളുണ്ടെന്നും സൈന്യത്തിന് മാത്രമാണ് പൂരണമായ രീതിയില്‍ രക്ഷാപ്രവര്‍ത്തനം നടത്താന്‍ സാധിക്കുകയുള്ളുവെന്നും അദ്ദേഹം പറഞ്ഞു. ഇതിന് മറുപടി എന്ന രീതിയിലാണ് കോടിയേരിയുടെ പ്രസ്താവന.
ഇതിന് മുമ്പ് മുഖ്യമന്ത്രി പിണറായി വിജയനും സൈന്യത്തിന് രക്ഷപ്രവര്‍ത്തനം പൂര്‍ണമായും വിട്ടുകൊടുക്കില്ലായെന്ന് വ്യക്തമാക്കിയിരുന്നു.
Discussion about this post