കേരളത്തിന്റെ തലസ്ഥാനമായ തിരുവനന്തപുരത്തിന് നാണക്കേടായി തിരുവനന്തപുരം റെയില്വേ ഡിവിഷന്. രാജ്യത്ത് കൃത്യസമയം പാലിച്ച് ഓടുന്ന ഡിവിഷനുകളുടെ പട്ടികയില് ഏറ്റവും പിന്നില് നിന്ന് നാലാം സ്ഥാനമാണ് തിരുവനന്തപുരം റെയില്വേ ഡിവിഷനുള്ളത്. റെയില്വെയുടെ ആഭ്യന്തര റിപ്പോര്ട്ടിലാണ് ഇത് സംബന്ധിച്ച വിവരമുള്ളത്. ഉദ്യോഗസ്ഥരുടെ അലംഭാവം മൂലം ട്രെയിനുകള് നിരന്തരം വൈകിയോടുന്നു എന്ന പരാതിയും തിരുവനന്തപുരം ഡിവിഷനുണ്ട്.
ഒരു മണിക്കൂര് മുതല് മൂന്ന് മണിക്കൂര് വരെ മിക്ക് ട്രെയിനുകള് വൈകി ഓടാറുണ്ട്. ഓഗസ്റ്റ് 27 മുതല് സെപ്റ്റംബര് 2 വരെയുള്ള കാലയളവിലെ പ്രകടനത്തിന്റെ അടിസ്താനത്തിലാണ് റിപ്പോര്ട്ട് തയ്യാറാക്കിയിട്ടുള്ളത്. റിപ്പോര്ട്ടില് 53 ശതമാനം മാത്രമാണ് തിരുവന്തപുരം ഡിവിഷന്റെ കൃത്യനിഷ്ഠ. റെയില്വെ ഉദ്യോഗസ്ഥരുടെ അനാസ്ഥ കാരണം ട്രെയിനുകള് ബോധപൂര്വം വൈകിക്കുന്നതെന്നാണ് ആക്ഷേപം.
Discussion about this post