ദുരിതാശ്വാസനിധിയിലേക്ക് ദേവസ്വം ബോര്‍ഡ് ജീവനക്കാരുടെ ശമ്പളം ഈടാക്കുന്നത് സംബന്ധിച്ച ഹൈക്കോടതി പരാമര്‍ശത്തില്‍ പ്രതികരണവുമായി ധനമന്ത്രി തോമസ് ഐസക്. ശമ്പളം നല്‍കാന്‍ താല്‍പര്യമില്ലാത്തവര്‍ എഴുതിനല്‍കിയാല്‍ മതിയെന്ന് ധനമന്ത്രി ആവര്‍ത്തിച്ചു.നിര്‍ബന്ധിത പിരിവ് സര്‍ക്കാര്‍ നയമല്ല. അക്കാര്യം ബോര്‍ഡിന്റെ ഉത്തരവില്‍ ഉള്‍പ്പെടുത്താത്തത് തെറ്റാണെന്നും ഐസക് പറഞ്ഞു.
പെന്‍ഷന്‍ പിരിവില്‍ തുറന്നമനസാണ്. പിരിക്കുന്നതെങ്ങനെയെന്ന് സംഘടനകളോട് ചോദിച്ചേ തീരുമാനിക്കൂ. പെന്‍ഷന്‍ സംഘടനകളോട് ഒരുമാസത്തെ പെന്‍ഷന്‍ അഭ്യര്‍ഥിക്കും. സര്‍ക്കാര്‍ തുറന്നമനസോടെയാണ് ചര്‍ച്ചയ്ക്ക് വരുന്നത്. പല ഗഡുക്കളായിട്ടേ പെന്‍ഷന്‍ വാങ്ങൂ എന്നും ധനമന്ത്രി പറഞ്ഞു.
https://braveindianews.com/17/09/178091.php
വെള്ളപ്പൊക്ക ദുരിതാശ്വാസ പ്രവര്‍ത്തനങ്ങള്‍ക്ക് ഉദ്യോഗസ്ഥരില്‍ നിന്ന് നിര്‍ബന്ധമായി ശമ്പളം ഈടാക്കുന്നത് പിടിച്ചുപറിയെന്ന് ഹൈക്കോടതി പറഞ്ഞിരുന്നു. നല്‍കണമെന്ന തിരുവിതാംകൂര്‍ ദേവസ്വം ബോര്‍ഡ് ഉത്തരവ് ചോദ്യം ചെയ്ത് ജീവനക്കാരുടെ സംഘടന നല്‍കിയ ഹര്‍ജിയിലാണ് ഹൈക്കോടതി നിരീക്ഷണം. സ്വകാര്യ ബാങ്കുകള്‍ റവന്യൂ റിക്കവറിക്ക് ജപ്തി നടപടി സ്വീകരിക്കുന്നതുപോലെ ജീവനക്കാരോട് ദേവസ്വം ബോര്‍ഡ് പെരുമാറരുതെന്നും ഹൈക്കോടതി പറഞ്ഞു.
വിസമ്മത പത്രമല്ല, സമ്മത പത്രമാണ് വേണ്ടതെന്നാണ് ഒറു വിഭാഗം സര്‍ക്കാര്‍ ജീവനക്കാരുടെ നിലപാട്. മുഖ്യമന്ത്രിയുടെ നിലപാടിന് വിരുദ്ധമായ ജീവനക്കാരെ പിരിവ് നല്‍കാന്‍ നിര്‍ബന്ധിതരാക്കുന്ന നിലപാടാണ് തോമസ് ഐസകിന്റേതെന്ന ആക്ഷേപം ശക്തമാണ്.
Discussion about this post