നിലയ്ക്കള്‍-പമ്പ റൂട്ടില്‍ കെ.എസ്.ആര്‍.ടി.സി ബസുകള്‍ അമിത നിരക്ക് ഈടാക്കുന്നതിനെതിരെ വിമര്‍ശനവുമായി മുന്നോട്ട് വന്നിരിക്കുകയാണ് സംവിധായകനായ അലി അക്ബര്‍. ശബരിമല ദര്‍ശനം എന്നതിന് പകരം വാവര്‍ പള്ള ദര്‍ശനം എന്നാക്കി മാറ്റിയാല്‍ ബസ് ചാര്‍ജ് കുറയുമായിരിക്കുമെന്ന് അലി അക്ബര്‍ തന്റെ ഫേസ്ബുക്ക് പേജിലൂടെ പ്രതികരിച്ചു.
നിലയ്ക്കല്‍-പമ്പ റൂട്ടില്‍ നിലവില്‍ 62 രൂപയ്ക്ക് പകരം 80 രൂപയാണ് വര്‍ധിപ്പിച്ചിട്ടുള്ളത്. നിരക്ക് വര്‍ധനവിനെത്തുടര്‍ന്ന് ദേവസ്വം ബോര്‍ഡ് മുഖ്യമന്ത്രിയുടെ ഓഫീസില്‍ പരാതി നല്‍കിയിരുന്നു. നിരക്ക് കൂട്ടിയത് നിയമപ്രകാരമാണെന്നും അത് കുറയ്ക്കാന്‍ സാധിക്കില്ലെന്നുമായിരുന്നു കെ.എസ്.ആര്‍.ടി.സി എം.ഡി ടോമിന്‍.ജെ.തച്ചങ്കരി വ്യക്തമാക്കിയിരുന്നു.
അധിക നിരക്ക് ഈടാക്കി അയ്യപ്പ ഭക്തരെ ചൂഷണം ചെയ്യുന്നത് ശരിയല്ലെന്ന് ദേവസ്വം ബോര്‍ഡ് സര്‍ക്കാരിനെ അറിയിച്ചിട്ടുണ്ട്. കെ.എസ്.ആര്‍.ടി.സിയുമായി ചര്‍ച്ച ചെയ്യുമെന്ന് മുഖ്യമന്ത്രിയുടെ ഓഫീസും അറിയിച്ചിട്ടുണ്ട്.
Discussion about this post