പീഡന പരാതിയെത്തുടര്‍ന്ന് ഡല്‍ഹി എ.സി.പിക്കെതിരെ കുറ്റപത്രം സമര്‍പ്പിച്ചു. എ.സി.പിയായ രമേഷ് ദാഹിയക്കെതിരെയാണ് കുറ്റപത്രം സമര്‍പ്പിച്ചത്. വിവാഹം കഴിക്കാമെന്ന് പറഞ്ഞ് തെറ്റിദ്ധരിപ്പിച്ച് വനിതയെ പീഡിപ്പിച്ചു എന്നാണ് പരാതി.
കഴിഞ്ഞ മാസം സദര്‍ ബസാര്‍ പോലീസ് സ്‌റ്റേഷനിലായിരുന്നു വനിത പരാതി നല്‍കിയത്. വിവാഹം കഴിക്കാമെന്ന് പറഞ്ഞ് എ.സി.പി താനുമായി ലൈംഗിക ബന്ധം വെച്ച് പുലര്‍ത്തിയെന്നും തുടര്‍ന്ന് തനിക്ക് ഒരു കുഞ്ഞ് ജനിച്ചുമെന്നും വനിത പറയുന്നു. സംഭവം നടക്കുന്ന സമയത്ത് രമേഷ് ദാഹിയ സദര്‍ ബസാര്‍ പോലീസ് സ്‌റ്റേഷനിലെ ഹൗസ് ഓഫീസറായിരുന്നു.
ഇത് കൂടാതെ രമേഷ് തന്റെ പ്രായപൂര്‍ത്തിയാകാത്ത മകളെയും പീഡിപ്പിച്ചെന്ന് പരാതിക്കാരി പറഞ്ഞു. ഇവര്‍ക്കുണ്ടായ മകനെ രമേഷ് തട്ടിക്കൊണ്ട് പോയെന്നും പരാതിയില്‍ പറയുന്നു.
പോക്‌സോ വകുപ്പ് പ്രകാരം കേസെടുത്തിട്ടുണ്ടെന്ന് ഡെപ്പ്യൂട്ടി കമ്മീഷണര്‍ നുപുര്‍ പ്രസാദ് വ്യക്തമാക്കി. കേസ് ക്രൈം ബ്രാഞ്ചിന് കൈമാരിയിട്ടുണ്ട്.
Discussion about this post