ശബരിമലയിലെ യുവതി പ്രവേശനം അനുവദിച്ചു കൊണ്ടുള്ള വിധി വലിയ പ്രതിഷേധത്തിനും , രാജ്യവ്യാപകമായ ചര്‍ച്ചകള്‍ക്കും വഴിയൊരുക്കിയിരിക്കുകയാണ് . ശബരിമലയില്‍ വരുന്ന ഓരോ വിശ്വാസിയും തങ്ങളുടേതായ രീതിയില്‍ പ്രവേശനത്തെ എതിര്‍ക്കുന്നതിന് തയ്യാറാവുകയും ചെയ്യുന്നു .
ശബരിമലദര്‍ശനത്തിന് എത്തിയ ഒന്‍പത് വയസ്സുകാരി ജനനി തന്റെ നിലപാട് വ്യക്തമാക്കി ദേശീയ ശ്രദ്ധനേടുകയാണ്‌ . ഒരു പ്ലക്കാര്‍ഡും കയ്യിലേന്തി തനിക്ക് ഈ സമൂഹത്തോട് പറയാനുള്ളത് വിളിച്ചു പറയുകയാണ്‌ തമിഴ്നാട് സ്വദേശിയായ ഈ പെണ്‍കുട്ടി .
തനിക്ക് ഒന്‍പത് വയസ്സായെന്നും ഇനി ശബരിമല സന്ദര്‍ശിക്കുന്നത് 50 മത്തെ വയസ്സിലായിരിക്കും എന്നുമാണ് ജനനി തന്റെ കയ്യിലെ പ്ലേകാര്‍ഡ് വഴി പറയുന്നത് . തലയിലെ ഇരുമുടികെട്ടും കയ്യിലേന്തിയ പ്ലേകാര്‍ഡുമായി നില്‍ക്കുന്ന ജനനിയുടെ ചിത്രങ്ങള്‍ ഇതിനോടകം ദേശീയ ശ്രദ്ധ നേടികഴിഞ്ഞു . വെള്ളിയാഴ്ചയാണ് ജനനി ദര്‍ശനത്തിനെത്തിയത്.
സുപ്രീംകോടതിയുടെ വിധി എന്തെന്ന് തങ്ങള്‍ക്ക് അറിയില്ല എന്നാല്‍ തന്റെ മകള്‍ക്ക് പത്ത് വയസ്സ് തികഞ്ഞാല്‍ അവളിനി അയ്യനെ കാണുവാന്‍ എത്തുക 50 വയസ്സ് പൂര്‍ത്തിയായതിനു ശേഷമായിരിക്കും , 50 വയസ്സിനു മുന്പ് മകള്‍ മലചവിട്ടുന്നത് താത്പര്യമില്ലെന്നും ജനനിയുടെ അച്ഛന്‍ സതീഷ്‌ കുമാര്‍ പറഞ്ഞു .
Discussion about this post