ശബരിമലയില് യുവതികളെ ഇനിയും സര്ക്കാര് പിന്തുണയോടെ പ്രവേശിപ്പിക്കാന് ശ്രമിച്ചാല് സമരം രൂക്ഷമാകുമെന്ന് ഹിന്ദു ഐക്യവേദി സംസ്ഥാന അധ്യക്ഷ കെ.പി.ശശികല ടീച്ചര് വ്യക്തമാക്കി. ശബരിമലയില് ആചാരങ്ങള് ലംഘിച്ചുകൊണ്ട് യുവതികളെ പ്രവേശിപ്പിക്കുന്നതിനെ എതിര്ക്കുന്നതില് നിന്നും ഒരു കാരണവശാലും ഭക്തര് പിന്നോട്ട് പോകില്ലെന്നും ശശികല ടീച്ചര് വ്യക്തമാക്കി. നീതിയ്ക്ക് വേണ്ടി ഭക്തര് നടത്തുന്ന പോരാട്ടത്തില് പരാജയമുണ്ടായാല് നാളെ ഈ നാട്ടില് ശാന്തിയും സമാധാനവും ഇല്ലാതാകുമെന്നും അവര് ചൂണ്ടിക്കാട്ടി.
ശബരിമലയില് ദര്ശനം നടത്തണമെന്ന് പറഞ്ഞ് വരുന്ന യുവതികള് ആരും തന്നെ ഭക്തരല്ലെന്നും ശബരിമലയിലെ ആചാരങ്ങള് തകര്ക്കുക എന്ന വ്യക്തമായ അജണ്ടയുള്ളവരാണെന്നും ശശികല ടീച്ചര് പറഞ്ഞു. അതേസമയം ശബരിമലയിലെ ആചാരങ്ങള് തകര്ക്കുക എന്ന ലക്ഷ്യത്തിന് വേണ്ടി ശ്രമിക്കുന്ന മാവോയിസ്റ്റുകള്ക്ക് പിന്തുണ നല്കുന്നത് മുഖ്യമന്ത്രിയും പോലീസിലെ ചെറിയൊരു വിഭാഗമാണെന്നും ശശികല ടീച്ചര് പറഞ്ഞു.
വരും ദിനങ്ങളില് സമരവുമായി ശക്തമായി മുന്നോട്ട് പോകുമെന്നും ഇനിയുള്ള പരിപാടികള് ബി.ജെ.പിയുമായി കൂടിയാലോചിച്ച് തീരുമാനിക്കുന്നതായിരിക്കുമെന്നും അവര് പറഞ്ഞു. ഇതുവരെ കേരളം കണ്ട സമര രൂപവും ഭാവവുമായിരിക്കില്ല ഇനിയങ്ങോട്ടെന്നും ശശികല ടീച്ചര് പറഞ്ഞു.
Discussion about this post