ശബരിമല കര്‍മ്മ സമിതി സംഘടിപ്പിച്ച അയ്യപ്പ ഭക്ത സംഗമത്തിന്റെ വേദിയില്‍ വന്ന മാതാ അമൃതാനന്ദമയിക്കെതിരെ വിമര്‍ശനുവമായി മുഖ്യമന്ത്രി പിണറായി വിജയന്‍ രംഗത്ത്. വേദി പങ്കിട്ടത് മാതാ അമൃതാനന്ദമയിയുടെ പ്രതിച്ഛായയ്ക്ക് മങ്ങലേല്‍പ്പിച്ചുവെന്ന് പിണറായി പറഞ്ഞു. അമൃതാനന്ദമിയെ ആരാധിക്കുന്നവര്‍ കേരളത്തിന് അകത്തും പുറത്തുമുണ്ടെന്നും അവര്‍ക്ക് പോലും ഇത് ഇഷ്ടമായിട്ടില്ലെന്നും മുഖ്യമന്ത്രി പറഞ്ഞു. എന്ത് കാരണമായാലും വേദി പങ്കിട്ടത് തെറ്റായിപ്പോയെന്ന് അദ്ദേഹം പറഞ്ഞു.
സംഘപരിവാറിന്റെ ഭാഗമായവര്‍ മാതാ അമൃതാനന്ദമയിയെ തെറ്റായ വഴിയിലേക്ക് കൊണ്ടുപോകാന്‍ ശ്രമിക്കുന്നുവെന്നും പിണറായി ആരോപിച്ചു. ഇതില്‍ നിന്നും മാറി നില്‍ക്കാന്‍ അവര്‍ നേരത്തെ ശ്രദ്ധിച്ചിരുന്നുവെന്നും മുഖ്യമന്ത്രി പറഞ്ഞു.
അതേസമയം ശബരിമലയില്‍ യുവതി പ്രവേശനത്തില്‍ തെറ്റില്ലെന്ന നിലപാടിയിരുന്നു മുന്‍പ് മാതാ അമൃതാനന്ദമയിയുടേതെന്ന് മുഖ്യമന്ത്രി ചൂണ്ടിക്കാട്ടി.
Discussion about this post