പുല്‍വാമയില്‍ ഭീകരാക്രമണത്തില്‍ കൊല്ലപ്പെട്ട സി.ആര്‍.പി.എഫ് ജവാന്മാരുടെ കുടുംബത്തിന് വേണ്ടി ഉത്തര്‍ പ്രദേശിലെ ബറേലിയിലുള്ള ഒരു സ്‌കൂള്‍ പ്രിന്‍സിപ്പല്‍ നല്‍കിയത് 1.3 ലക്ഷം രൂപ. വീരമൃത്യു വരിച്ച ജവാന്മാരുടെ കുടുംബങ്ങള്‍ക്ക് വേണ്ടി പ്രധാനമന്ത്രി നരേന്ദ്ര മോദി ആരംഭിച്ച ദുരിതാശ്വാസ നിധിയിലേക്കാണ് ഒരു സ്വകാര്യ സ്‌കൂളിലെ പ്രിന്‍സിപ്പലായ കിരണ്‍ ജഗ്‌വാള്‍ ഇത്രയധികം രൂപ നല്‍കിയത്.
മരിച്ച ജവാന്മാരുടെ കുടുംബാഗങ്ങള്‍ കരയുന്നത് മാധ്യമങ്ങളിലൂടെ കണ്ടപ്പോഴാണ് അവര്‍ക്ക് വേണ്ടി എന്തെങ്കിലും ചെയ്യണമെന്ന് തനിക്ക് തോന്നിയതെന്ന് കിരണ്‍ വ്യക്തമാക്കി. തന്റെ പിതാവ് തനിക്ക് തന്ന വളകളാണ് താന്‍ വിറ്റതെന്നും ഇവര്‍ പറഞ്ഞു. ഇതില്‍ നിന്നും ലഭിച്ച തുകയാണ് ജവാന്മാരുടെ കുടുംബങ്ങള്‍ക്ക് നല്‍കിയത്.
രാജ്യത്തെ എല്ലാ പൗരന്മാരുടെ ജവാന്മാര്‍ക്ക് വേണ്ടി എന്തെങ്കിലും ചെയ്യണമെന്നും കിരണ്‍ പറഞ്ഞു. രാജ്യത്ത് 130 കോടി ആള്‍ക്കാരുണ്ട്. എല്ലാവരും ഒരു രൂപ വെച്ച് സംഭാവന നല്‍കിയാല്‍ പോലും വളരെ വലിയ ഒരു തുക ലഭിക്കാന്‍ സാധിക്കുമെന്നും കിരണ്‍ ചൂണ്ടിക്കാട്ടുന്നു.
Discussion about this post