“രാഷ്ട്രം അഭിനന്ദന്റെ ധൈര്യത്തില്‍ അഭിമാനം കൊള്ളുന്നു”: ഇന്ത്യയില്‍ തിരിച്ചെത്തിയ അഭിനന്ദനോട് പ്രധാനമന്ത്രി

പാക്കിസ്ഥാന്‍ വിട്ടയച്ച ഇന്ത്യന്‍ വ്യോമസേനാ വിങ് കമാന്‍ഡര്‍ അഭിനന്ദന്‍ വര്‍ദ്ധമാനെ പ്രശംസിച്ച് പ്രധാനമന്ത്രി നരേന്ദ്ര മോദി രംഗത്ത്. അഭിനന്ദന്റെ ധൈര്യത്തില്‍ രാജ്യം അഭിമാനം കൊള്ളുന്നുവെന്ന് അദ്ദേഹം ട്വിറ്ററിലൂടെ പറഞ്ഞു. ഇന്ത്യയുടെ സൈന്യം 130 കോടി ഇന്ത്യന്‍ ജനതയ്ക്ക് ഒരു പ്രചോദനമാണെന്നും അദ്ദേഹം പറഞ്ഞു

അതിര്‍ത്തി കടന്ന് വന്ന പാക് വിമാനങ്ങളെ തുരത്തുന്നതിനിടെയാണ് അഭിനന്ദന്‍ വര്‍ദ്ധമാന്‍ ഓടിച്ചിരുന്ന മിഗ്-21 വിമാനം പാക്കിസ്ഥാന്‍ വെടിവെച്ചിട്ടത്. തുടര്‍ന്നായിരുന്നു അഭിനന്ദന്‍ വര്‍ദ്ധമാനെ പാക്കിസ്ഥാന്‍ പിടികൂടിയത്.

പാക്കിസ്ഥാനില്‍ നിന്നും തിരികെ വന്ന അഭിനന്ദന്‍ നിലവില്‍ ഡല്‍ഹിയിലുണ്ട്. വിശദമായ വൈദ്യപരിശോധനയ്ക്ക് അഭിനന്ദന്‍ വിധേയനാകുന്നതാണ്.

Welcome Home Wing Commander Abhinandan!

The nation is proud of your exemplary courage.

Our armed forces are an inspiration for 130 crore Indians.

Vande Mataram!

— Narendra Modi (@narendramodi) March 1, 2019