മുംബൈ വിമാനത്താവളത്തില്‍ ബോംബ് ഭീഷണിയുടെ സന്ദേശം ലഭിച്ചു. വിമാനത്താവളത്തിലെ രണ്ടാമത്തെ ടെര്‍മിനലിലാണ് ഭീഷണി സന്ദേശം ലഭിച്ചത്. ഇതേത്തുടര്‍ന്ന് വിമാനത്താവളത്തിലുള്ള എയര്‍ലൈന്‍ കമ്പനികളുടെ ഓഫീസുകളില്‍ ആള്‍ക്കാരെ ഒഴിപ്പിച്ചു.
ഇന്ന് രാവിലെ 11 മണിയോടെയായിരുന്നു ഭീഷണി സന്ദേശം ലഭിച്ചത്. വിമാനത്താവളത്തില്‍ നിലവില്‍ അറ്റകുറ്റപ്പണികള്‍ നടക്കുകയാണ്. വൈകീട്ട് 5 മണി വരെ റണ്‍വെ അടച്ചിട്ടിരിക്കുകയാണ്. മാര്‍ച്ച് 30 വരെ വിമാനത്താവളത്തില്‍ അറ്റകുറ്റപ്പണികള്‍ നടക്കുന്നതായിരിക്കും.
Discussion about this post