പത്തനംതിട്ട സ്ഥാനാര്‍ത്ഥിയുടെ കാര്യത്തില്‍ തര്‍ക്കങ്ങളൊന്നുമില്ല,എല്ലാ തീരുമാനങ്ങളും പ്രധാനമന്ത്രി, അമിത് ഷാ അടങ്ങിയ ഉന്നതകമ്മിറ്റി തീരുമാനിക്കുമെന്ന് തിരുവനന്തപുരത്തെ ബിജെപി സ്ഥാനാര്‍ഥി കുമ്മനം രാജശേഖരന്‍.പ്രഖ്യാപനം നീളുന്നത് നടപടി ക്രമങ്ങള്‍ കാരണമാണെന്നും ഇന്നും ചര്‍ച്ചകള്‍ ഉണ്ടാകുമെന്നും കുമ്മനം പറഞ്ഞു.പാര്‍ട്ടിയില്‍ ഭിന്നിപ്പുണ്ടാക്കാന്‍ ശ്രമിക്കുന്നവരാണ് കുപ്രചരണങ്ങല്‍ നടത്തുന്നതെന്നും നിലവില്‍ യാതൊരു അഭിപ്രായ വ്യത്യാസങ്ങളൊന്നും ഇല്ലെന്നും അദ്ദേഹം വ്യക്തമാക്കി.എല്ലാവര്‍ക്കും പ്രാതിനിധ്യം ഉറപ്പു വരുത്തുന്നതാണ് സ്ഥാനാര്‍ത്ഥി പട്ടിക.എല്ലാ സമുദായവും ഇത് ഉള്‍ക്കൊള്ളുമെന്നും കുമ്മനം പറഞ്ഞു.
വടകരയില്‍ യുഡിഎഫ് സ്ഥാനാര്‍ഥി കെ മുരളീധന്‍ ജയിച്ച് വട്ടിയൂര്‍ക്കാവ് നിമയസഭാ മണ്ഡലത്തില്‍ ഉപതെരഞ്ഞെടുപ്പ് ഉണ്ടാവുമെന്ന് കരുതുന്നില്ലെന്ന് തിരുവനന്തപുരത്തെ ബിജെപി സ്ഥാനാര്‍ഥി കുമ്മനം രാജശേഖരന്‍. ഈ തെരഞ്ഞെടുപ്പില്‍ മത്സരിക്കുന്ന എംഎല്‍എമാരില്‍ ആരും ജയിക്കില്ലെന്ന് കുമ്മനം പറഞ്ഞു.
വട്ടിയൂര്‍ക്കാവില്‍ ബിജെപിയെ തോല്‍പ്പിക്കാനായി വോട്ടുമറിച്ചവരാണ് സിപിഎം. അങ്ങനെയുള്ള സിപിഎമ്മിന് ബിജെപി വോട്ടുമറിക്കുമെന്ന് ആരോപിക്കാനുള്ള യോഗ്യത എന്താണെന്ന് കുമ്മനം ചോദിച്ചു. വട്ടിയൂര്‍ക്കാവില്‍ എങ്ങനെയാണ് സിപിഎം സ്ഥാനാര്‍ഥി മൂന്നാം സ്ഥാനത്തേക്കു പോയതെന്ന് എല്ലാവര്‍ക്കും അറിയാം. ഈ തെരഞ്ഞെടുപ്പിലും അത്തരം വോട്ടുമറിക്കല്‍ പ്രതീക്ഷിക്കുന്നുണ്ട്. സിപിഎം നിലനില്‍പ്പിനുവേണ്ടി ഇങ്ങനെ ചെയ്യുന്നതെന്ന് കുമ്മനം പറഞ്ഞു.
കക്ഷത്തില്‍ ഉള്ളതു പോവാതെ ഉത്തരത്തില്‍ ഉള്ളത് എടുക്കാനാണ് എംഎല്‍എമാരെ ലോക്സഭാ തെരഞ്ഞെടുപ്പില്‍ മത്സരിപ്പിക്കുന്നത്. ഈ തെരഞ്ഞെടുപ്പില്‍ മത്സരിക്കുന്ന എംഎല്‍എമാര്‍ എല്ലാം തോല്‍ക്കാനുള്ളവരാണ്.
Discussion about this post