ഇന്ത്യയില്‍ വിതരണം ചെയ്യുന്നതിനായി പാക്കിസ്ഥാന് 20 ലക്ഷം കോടി രൂപയുടെ നോട്ടുകള്‍ അച്ചടിചിട്ടുണ്ടെന്ന രഹസ്യാന്വേഷണ വിഭാഗങ്ങളുടെ മുന്നറിയിപ്പിനെ തുടര്‍ന്നാണ്‌ കേന്ദ്രസര്‍ക്കാര്‍ നോട്ട് നിരോധനം കൊണ്ട് വന്നതെന്ന് മുന്‍.ഡിജിപി സെന്‍കുമാര്‍. ദേശീയ സുരക്ഷാ വെല്ലുവിളികൾ എന്ന വിഷയത്തെ ആസ്പദമാക്കി കരുനാഗപ്പള്ളി ഐ.എം.എ ഹാളിൽ സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം .
ബുദ്ധി ജീവികളും സാംസ്കാരിക നായകരും രാജ്യത്തിന്റെ ദേശീയ സുരക്ഷയ്ക്ക് പലപ്പോഴും ഭീക്ഷണിയാകാറുണ്ട് എന്നും അദ്ദേഹം പറഞ്ഞു .
ഇന്ത്യയുടെ സുരക്ഷയെക്കുറിച്ചുള്ള നമ്മുടെ മനോഭാവം മാറണം . രാഷ്ട്രീയത്തിന് ഉപരി രാജ്യസുരക്ഷയ്ക്ക് മുന്‍‌തൂക്കം നല്‍കണം . വൈദേശികമായും അഭ്യന്തരമായും ഇന്ത്യ സുരക്ഷാ ഭീഷണി നേരിടുകയാണ് . മാവോയിസ്റ്റുകളും മതതീവ്രവാടികളും മയക്കുമരുന്ന് മാഫിയ സംഘങ്ങളും രാജ്യത്തിനകത്ത് ഭീഷണിഉയര്‍ത്തുകയാണ് . അത് പോലെ തന്നെ ചൈനയും പാക്കിസ്ഥാന് ഇന്ത്യയുടെ സുരക്ഷയ്ക്ക് ഭീഷണിഉയര്‍ത്തുന്ന രാജ്യങ്ങളാണ് . റാഫേല്‍ വിമാനം സ്വന്തമാകുന്നതോടുകൂടി നമ്മുടെ രാജ്യത്തിനകത്തിരുന്നു കൊണ്ട് തന്നെ ശത്രുരാജ്യങ്ങളെ പ്രഹരിക്കനാകുമെന്നും അദ്ദേഹം കൂട്ടി ചേര്‍ത്തു.
Discussion about this post