കോയമ്പത്തൂര്‍ കേന്ദ്രീകരിച്ച് ഭീകരാക്രമണ സാധ്യതയുണ്ടെന്ന രഹസ്യാന്വേഷണ വിഭാഗത്തിന്റെ മുന്നറിയിപ്പിനെ തുടര്‍ന്ന് തമിഴ്‌നാട്ടില്‍ അതീവ ജാഗ്രത നിര്‍ദ്ദേശം. . അബു അല്‍കിതാല്‍ എന്ന ഐഎസ് അനുകൂല സംഘടന ആക്രമണത്തിന് പദ്ധതിയിടുന്നുവെന്നാണ് കേന്ദ്ര രഹസ്യാന്വേഷണ ഏജന്‍സിയുടെ മുന്നറിയിപ്പ്. മുന്നറിയിപ്പിന്റെ അടിസ്ഥാനത്തില്‍ ആരാധനാലയങ്ങള്‍, ഷോപ്പിങ്ങ് മാളുകള്‍, ഹോട്ടലുകള്‍ നഗരത്തിലെ തിരക്കേറിയ മറ്റു സ്ഥലങ്ങള്‍ എന്നിവടങ്ങളില്‍ പോലിസ് സുരക്ഷ ശക്തമാക്കി.
കോയമ്പത്തൂര്‍ ഉള്‍പ്പെടുന്ന പടിഞ്ഞാറന്‍ തമിഴ്‌നാട്ടില്‍ പ്രത്യേക ജാഗ്രത വേണമെന്നാണ് കേന്ദ്ര രഹസ്യാന്വേഷണ ഏജന്‍സിയുടെ നിര്‍ദ്ദേശം. ഐഎസുമായി ബന്ധമുള്ള സംഘടനയായ അബു അല്‍കിതാലിലെ അംഗങ്ങള്‍ സമൂഹ മാധ്യമങ്ങളില്‍ സജീവമാണ്.സംഘടനയുടെ ഫേസ് ബുക്ക് പോജ് അഡ്മിന് മുഹമ്മദ് അസഹറുദ്ദീനെ കോയമ്പത്തൂരില്‍ നിന്ന് എന്‍ഐഎ അറസ്റ്റു ചെയ്തിരുന്നു .
എന്നാല്‍ അന്വേഷണം തന്നിലേക്ക് എത്തുമെന്നുറപ്പായപ്പോള്‍ രണ്ട് ഹാര്‍ഡിസ്‌ക്കുകള്‍ ഇയാള്‍ മറ്റൊരാള്‍ക്ക് കൈമാറിയിരുന്നു. ഇതുമായി ബന്ധപ്പെട്ട് 26 കാരനായ കോയമ്പത്തൂരില്‍ കുനിയമുത്തൂരില്‍ സ്ഥിരതാമസക്കാരനായ ഷിനോയ്ദിന്റെ വീട്ടില്‍ ഇന്നലെ കേന്ദ്രസംഘം റെയ്ഡ് നടത്തി. റെയ്ഡില്‍ ഹാര്‍ഡിസ്‌ക്കുകള്‍ അന്വേഷണം കണ്ടെത്തിയിരുന്നു. അംഗങ്ങള്‍ തമ്മിലുള്ള ആശയ വിനിമയത്തില്‍ നിന്നാണ് ആക്രമണം സംബന്ധിച്ച സൂചന ലഭിച്ചത്.
Discussion about this post