അമേരിക്കയും ഇറാനും തമ്മിലുള്ള സംഘര്‍ഷഭരിതമായ സാഹചര്യത്തില്‍ ഇന്ത്യന്‍ വിമാനങ്ങളുടെ യാത്രാവഴി മാറ്റാന്‍ ഡിജിസിഎ തീരുമാനം. ഇറാന്റെ വ്യോമപാതയില്‍ പ്രവേശിക്കാതെ പോവാനാണ് തീരുമാനം.
അമേരിക്കന്‍ രജിസ്ട്രേഷനുള്ള വിമാനങ്ങളെ ഇറാന്റെ വ്യോമാപരിധിയില്‍ പ്രവേശിക്കുന്നതില്‍ നിന്നും അമേരിക്കൻ വ്യോമയാന നിയന്ത്രണ ചുമതലയുള്ള ഫെഡറൽ ഏവിയേഷൻ അഡ്മിനിസ്ട്രേഷൻ വിലക്കിയിരുന്നു . ഇതിന് പിന്നാലെയാണ് ഇന്ത്യന്‍ ഏജന്‍സിയും ഇത്തരത്തിലൊരു തീരുമാനമെടുത്തിരിക്കുന്നത്.
കഴിഞ്ഞ ദിവസം അമേരിക്കയുടെ ഡ്രോൺ ഇറാൻ തകര്‍ത്തിരുന്നു. ഇതിന് പിന്നാലെ ഇറാന്റെ വ്യോമാപരിധിയില്‍ പ്രവേശിക്കുന്ന യാത്രാവിമാനങ്ങളും ആക്രമിക്കപ്പെടാന്‍ സാധ്യതയുണ്ടെന്ന് വ്യക്തമാക്കി അമേരിക്കന്‍ യാത്രാവിമാനങ്ങള്‍ക്ക് നിര്‍ദ്ദേശം നല്‍കിയത്.
ഇന്ത്യയിലെ എല്ലാ വിമാനക്കമ്പനികളും ഈ തീരുമാനത്തെ സ്വാഗതം ചെയ്തിട്ടുണ്ട്. യാത്രക്കാരുടെ സുരക്ഷ കരുതിയാണ് ഈ തീരുമാനം എന്ന് അവര്‍ വ്യക്തമാക്കി.
Discussion about this post