മുത്തലാഖ് ബില്ലിനെ എതിർക്കുന്നവർ ഭാവിയിൽ വലിയ വില നൽകേണ്ടി വരുമെന്ന് കേന്ദ്ര മന്ത്രി മുക്താർ അബ്ബാസ് നഖ്വി.
മൂന്ന് തലാക്ക് ചൊല്ലി വിവാഹ ബന്ധം വേർപെടുത്തുന്ന മുത്തലാഖ് കുറ്റകരമാണ്.മുസ്ലീം സമുദായത്തിന് അപമാനകരമായ ഈ ആചാരം തുടരാൻ അനുവദിക്കരുതെന്നും അദ്ദേഹം പറഞ്ഞു.
മുത്തലാഖ് കുറ്റകരമായതു കൊണ്ടാണ് പല ഇസ്ലാമിക രാജ്യങ്ങളും ഇത് നിരോധിച്ചതെന്നും അദ്ദേഹം പറഞ്ഞു. മുസ്ലീം സമുദായത്തിന്റെ നന്മയ്ക്കായി മുത്തലാഖ് ബില്ലിനെ പിന്തുണക്കണമെന്നും അദ്ദേഹം പ്രതിപക്ഷ പാർട്ടികളോട് ആവശ്യപ്പെട്ടു.
കോൺഗ്രസ്സിനോട് ബില്ലിനെ രാജ്യസഭയിൽ പിന്തുണയ്ക്കാൻ ഞങ്ങൾ ആവശ്യപ്പെട്ടിരുന്നു. എന്നാൽ ബില്ലിനെ എതിർത്തതാണ് കോൺഗ്രസിന്റെ തകർച്ചക്ക് കാരണം . ഇതേ തെറ്റ് ആവർത്തിക്കുകയാണെങ്കിൽ കോൺഗ്രസിനെ ജനങ്ങൾ ഇനിയും മാറ്റി നിർത്തുമെന്നും അദ്ദേഹം പറഞ്ഞു.
Discussion about this post