സംസ്ഥാനത്ത് ഇന്ന് പരക്കെ മഴ പെയ്യുമെന്ന് കേന്ദ്രകാലാവസ്ഥ വകുപ്പ് അറിയിച്ചു. ഒറ്റപ്പെട്ട ശക്തമായ മഴയ്ക്കും സാധ്യതയുണ്ട്. തമിഴ്നാട് ഭാഗത്തുണ്ടായ അന്തരീക്ഷ ചുഴിയുടെ ഭാഗമായാണ് മഴ പെയ്യുന്നത്. ഇടുക്കി ജില്ലയില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
ഈ മാസം 20,21 തീയതികളില് സംസ്ഥാനത്ത് ശക്തമായ മഴ ഉണ്ടാകുമെന്നും കാലാവസ്ഥാ വിദഗ്ധര് പ്രവചിക്കുന്നു. .അറബിക്കടലില് തെക്കുപടിഞ്ഞാറന് ദിശയില് മണിക്കൂറില് 45 മുതല് 55 കിലോമീറ്റര് വേഗതയില് കാറ്റു വീശാന് സാധ്യതയുണ്ട്. തമിഴ്നാട് തീരത്ത് മണിക്കൂറില് 40 മുതല് 50 കിലോമീറ്റര് വേഗതയിലും കാറ്റുവീശും. കടല് പ്രക്ഷുബ്ധമായിരിക്കുമെന്നും, അതിനാല് മല്സ്യതൊഴിലാളികള് കടലില് പോകരുതെന്നും കാലാവസ്ഥ കേന്ദ്രം മുന്നറിയിപ്പ് നല്കിയിട്ടുണ്ട്.
Discussion about this post