കൊച്ചിയില്‍ ആര്‍.എസ്.എസ് സംഘടിപ്പിച്ച രക്ഷാബന്ധന്‍ പരിപാടിയില്‍ രാഖി കെട്ടി ജേക്കബ് തോമസ് ഐ.പി.എസ്.എറണാകുളം കളമശേരിയില്‍ ആര്‍എസ്എസ് അനുകൂല സംഘടന സംഘടിപ്പിച്ച രക്ഷാബന്ധന്‍ ചടങ്ങിലാണ് ജേക്കബ് തോമസ് പങ്കെടുത്തത്. നെറ്റിയില്‍ സിന്ദൂരക്കുറിയണിയിച്ചാണ് ജേക്കബ് തോമസിനെ ആര്‍എസ്എസ് വേദിയിലേക്ക് സ്വീകരിച്ചത് . സംഘടനയുടെ സംസ്ഥാന നേതാക്കളടക്കം അണിനിരന്ന വേദിയില്‍ രക്ഷാബന്ധന്‍ മഹോല്‍സവവും അദ്ദേഹം ഉദ്ഘാടനം ചെയ്തു.
വിജിലന്‍സ് ഡയറക്ടറായിരിക്കേ ഇക്കോളജിക്കല്‍ വിജിലന്‍സ് എന്ന ആശയം നടപ്പാക്കാനുളള ശ്രമത്തിനെതിരെ കടുത്ത സമ്മര്‍ദമുണ്ടായെന്നും പ്രകൃതിയെ അടിമയെ പോലെ കൈകാര്യം ചെയ്തവരാണ് പ്രളയത്തിന് ഉത്തരവാദികളെന്നും ജേക്കബ് തോമസ് വിമര്‍ശിച്ചു. കളമശേരി ഫാക്ട് ടൗണ്‍ഷിപ്പിലെ ആര്‍എസ്എസ് അനുകൂല സംഘടനായ പാഞ്ചജന്യമാണ് രക്ഷാബന്ധന്‍ ഉല്‍സവം സംഘടിപ്പിച്ചത്.
നേരത്തെആര്‍എസ്എസ് സംഘടിപ്പിച്ച ഐടി മിലന്‍ ഗുരുപൂജയില്‍ പങ്കെടുത്തതിന്റെ പേരില്‍ ജേക്കബ് തോമസിനെതിരെ സിപിഎം നേതൃത്വം കടുത്ത വിമര്‍ശനമുയര്‍ത്തിയിരുന്നു.
Discussion about this post