ബെംഗളൂരു: പി ദചിദംബരത്തിലെ പിന്നാലെ മറ്റൊരു കോണ്ഗ്രസ് പ്രമുഖന് കൂടി എന്ഫോഴ്സ്മെന്റ് വലയിലേക്ക്. കള്ളപ്പണം വെളുപ്പിക്കല് കേസുമായി ബന്ധപ്പെട്ട് കര്ണാടകയിലെ മുതിര്ന്ന കോണ്ഗ്രസ് നേതാവും മുന്മന്ത്രിയുമായ ഡി കെ ശിവകുമാറിന് എന്ഫോഴ്സ്മെന്റ് സമന്സ്അയച്ചു. ഡല്ഹിയിലെ എന്ഫോഴ്സ്മെന്റ് ഡയറക്ടറേറ്റ്(ഇ ഡി) ആസ്ഥാനത്ത് വെള്ളിയാഴ്ച ഹാജരാകാനാണ് നിര്ദ്ദേശം. വ്യാഴാഴ്ച രാത്രി 9.45 ഓടെയാണ് ഇ ഡി സമന്സ് ലഭിച്ചതെന്ന് ശിവകുമാര് ട്വീറ്റിലൂടെ വ്യക്തമാക്കിയിരുന്നു.
ഇതിനിടെ എന്ഫോഴ്സ്മെന്റ് അറസ്റ്റ് ചെയ്യുന്നതില്നിന്ന് നാലാഴ്ചത്തെ സംരക്ഷണം തേടി ശിവകുമാര് സമര്പ്പിച്ച ഹര്ജി കര്ണാടക ഹൈക്കോടതി തള്ളിയിരുന്നു. അറസ്റ്റില്നിന്ന് സംരക്ഷണം നല്കാനാവില്ലെന്ന് കോടതി വ്യക്തമാക്കി. ഇതോടെ ചോദ്യം ചെയ്യലിനു ശേഷം ശിവകുമാറിനെ അറസ്റ്റ് ചെയ്യാന് സാധ്യതയുണ്ട്. ഹര്ജി ഹൈക്കോടതി തള്ളിയതിനു പിന്നാലെ വ്യാഴാഴ്ച രാത്രി ഇ ഡി പുതിയ സമന്സ് അയക്കുകയായിരുന്നു.
ദയവായി ടെന്ഷനാകരുത്. എനിക്ക് ടെന്ഷനില്ല. ടെന്ഷനാകേണ്ട ആവശ്യമില്ല ശിവകുമാര് അനുയായികളോടായി പറഞ്ഞു. താന് തെറ്റൊന്നും ചെയ്തിട്ടില്ലെന്നും അദ്ദേഹം കൂട്ടിച്ചേര്ത്തു. ഞാന് ബലാല്സംഗം ചെയ്യുകയോ പണം തട്ടിയെടുക്കുകയോ ചെയ്തിട്ടില്ല. തനിക്കെതിരായി യാതൊന്നുമില്ല. തന്നെ വേട്ടയാടുകയാണെന്നും ശിവകുമാര് മാധ്യമങ്ങളോടു പ്രതികരിച്ചു.
Have received summons from ED late yesterday night at 9.40 PM asking for me to appear at 1PM in Delhi today.
Although the sudden scheduling by ED is malafide, I believe in rule of law & will definitely participate & fully co-operate with them and abide by the law of our country.
— DK Shivakumar (@DKShivakumar) August 30, 2019
കഴിഞ്ഞവര്ഷം സെപ്റ്റംബറിലാണ് ശിവകുമാറിന്റെയും മറ്റുള്ളവരുടെയും പേരില് ഇ ഡി നികുതിവെട്ടിപ്പിനും അനധികൃത പണമിടപാടുകള്ക്കും കേസെടുത്തത്. കര്ണാടകയില് കുമാരസ്വാമി മന്ത്രി സഭ നിലനിര്ത്താന് ശിവകുമാര് കള്ളപ്പണം ഒഴുക്കിയതായി ആരോപണം ഉയര്ന്നിരുന്നു.
Discussion about this post