അനധികൃത സ്വത്ത് സമ്പാദന കേസിൽ അറസ്റഅറിലായ ഡികെ ശിവകുമാറിനെ എൻഫോഴ്സ്മെന്റ് ഡയറക്ടറേറ്റ് ഡൽഹിയിലെ തുഗ്ലക്ക് റോഡ് പോലീസ് സ്റ്റേഷനിലെത്തിച്ചു. ഡികെ ശിവകുമാറിന്റെ ജാമ്യം ഇന്ന് പരിഗണിക്കും.
സെപ്റ്റംബർ മൂന്ന് മുതൽ ഇഡിയുടെ കസ്റ്റഡിയിലുളള ശിവകുമാറിനെ വ്യാഴാഴ്ച ആർഎംഎൽ ആസ്പത്രിയിൽ പ്രവേശിപ്പിച്ചിരുന്നു. സിദ്ധരാമയ്യയും, ശിവകുമാറിന്റെ സഹോദരൻ ഡി കെസുരേഷും കാണാൻ എത്തിയെങ്കിലും അനുവദിച്ചില്ല.
ഇഡി കസ്റ്റഡിയിലുളള ശിവകുമാറിന് കുടുംബാംഗങ്ങളെയും അഭിഭാഷകരെയും സന്ദർശിക്കുന്നതിനുളള സമയം 13 വരെ നീട്ടണമെന്ന ആവശ്യം പ്രത്യേക കോടതി തളളിയിരുന്നു. 30 മിനിറ്റ് മുതൽ ഒരു മണിക്കൂർ വരെ കുടുംബത്തെയും അഭിഭാഷകരെയും കാണാൻ അധികം സമയം അപേക്ഷയിലൂടെ ആവശ്യപ്പെട്ടിരുന്നു. ആദായനികുതി വകുപ്പ് നൽകിയ പരാതിയുടെ അടിസ്ഥാനത്തിൽ ഏജൻസി ഇയാൾക്കെതിരെ കഴിഞ്ഞ സെപ്റ്റംബറിൽ കളളപ്പണം വെളുപ്പിക്കൽ രജിസ്റ്റർ ചെയ്തിരുന്നു.
Discussion about this post