പാലാരിവട്ടം പാലത്തിനുണ്ടായത് സാങ്കേതിക പിഴവ് മാത്രമെന്ന് മുൻ പൊതുമരാമത്ത് മന്ത്രി ഇബ്രാഹിംകുഞ്ഞ്. മുന്കൂര് പണം നല്കിയതില് തെറ്റില്ല. ഇടപ്പള്ളി പാലത്തിനായും പണം കൊടുത്തിട്ടുണ്ടെന്നും അദ്ദേഹം മാധ്യമങ്ങളോട് പറഞ്ഞു. ടിഒ സൂരജിന്റെ ആരോപണത്തിന് മറുപടി പറയേണ്ട ആവശ്യമില്ല.മന്ത്രിയെന്ന നിലയില് ഭരണാനുമതി നല്കുക മാത്രമാണ് ചെയ്തത്.
കരാറുകാരന് മുന്കൂര് പണം നല്കിയതില് തെറ്റില്ല. മൊബിലൈസേഷന് ഫണ്ട് നിയമാനുസൃതമുള്ളതാണ്. പാലത്തിന്റെ സാങ്കേതിക വിദ്യയിലാണ് പിഴവ് സംഭവിച്ചത്. കേസില് അറസ്റ്റിനെ ഭയമില്ല. അറസ്റ്റ് ഭയന്നാണ് എംഎല്എ ഹോസ്റ്റലില് കഴിയുന്നതെന്ന ആരോപണം ശരിയല്ല. ഏത് അന്വേഷണത്തോടും താന് സഹകരിക്കുമെന്നും ഇബ്രാഹിംകുഞ്ഞ് വ്യക്തമാക്കി.
നിര്മാണച്ചുമതലയുള്ള സ്വകാര്യ കമ്പനിക്ക് നിശ്ചിത തുക മുന്കൂറായി നല്കാന് തീരുമാനിച്ചത് ഇബ്രാഹിംകുഞ്ഞാണെന്ന് ടിഒ സൂരജ് വെളിപ്പെടുത്തിയിരുന്നു. നിര്മാണത്തിന് മുന്കൂറായി നിശ്ചിത തുക നല്കണമെന്ന് കരാറില് വ്യവസ്ഥയുണ്ടായിരുന്നില്ല. പലിശയൊന്നും ഈടാക്കാതെ 8.25 കോടിരൂപ മുന്കൂറായി കൊടുക്കാന് അനുമതി നല്കിയത് മന്ത്രിയാണ്.ഇതിന് പിന്നാലെയാണ് മറുപടിയായി ഇബ്രാഹിംകുഞ്ഞ് രംഗത്ത് വന്നത്.
Discussion about this post