ശ്രീനഗറില്‍ വ്യോമസേനയുടെ എം.ഐ 17 (Mi 17)ഹെലികോപ്റ്റര്‍ തകര്‍ന്നത് അബദ്ധത്തില്‍ ഇന്ത്യന്‍ സൈന്യത്തിന്റെ മിസൈല്‍ പതിച്ചാണെന്ന് വ്യോമസേന സ്ഥിരീകരിച്ചു. സംഭവത്തില്‍ രണ്ട് ഉദ്യോഗസ്ഥരെ കുറ്റക്കാരായി കണ്ടെത്തിയെന്നും വ്യോമസേനാമേധാവി രാകേഷ് കുമാര്‍ സിംഗ് അറിയിച്ചു. ബാലാകോട്ട് ആക്രമണത്തിന് പിന്നാലെയാണ് ഹെലികോപ്റ്റര്‍ തകര്‍ന്നത്. അപകടത്തില്‍ ആറ് സൈനികള്‍ കൊല്ലപ്പെട്ടിരുന്നു.
‘വലിയ പിഴവാണ് നമുക്കുണ്ടായത്. ഇത്തരം പിഴവുകള്‍ ഭാവിയില്‍ ആവര്‍ത്തിക്കാതിരിക്കാന്‍ ശ്രമിക്കുമെന്ന് ഉറപ്പു നല്‍കുന്നുവെന്നും ദദൗരിയ പറഞ്ഞു. പാകിസ്ഥാന്റെ ഏത് നീക്കത്തിനും ശക്തമായ തിരിച്ചടി നല്‍കും. സൗദിയിലേതുപോലുള്ള ഡ്രോണ്‍ ആക്രമണത്തെ സേന പ്രതിരോധിക്കുമെന്നും വ്യോമസേന മേധാവി പറഞ്ഞു.
ശത്രു-മിത്ര വിമാനം ഉറപ്പിക്കുന്നതിനായി ഉപയോഗിക്കുന്ന ഐഡറ്റിഫിക്കേഷന്‍ ഓഫ് ഫ്രണ്ട് ഓര്‍ ഫോ(ഐഎഫ്എഫ്) ഹെലികോപ്റ്ററില്‍ ഓഫ് ആയിരുന്നു. ഗ്രൗണ്ട് സ്റ്റാഫും ഹെലികോപ്റ്ററില്‍ ഉണ്ടായിരുന്നവരും തമ്മിലുളള ബന്ധത്തില്‍ ഇത് വലിയ തടസ്സമായി. വ്യോമ പ്രതിരോധത്തിനുള്ള റഡാറുകള്‍ക്ക് ഇതുമൂലം വിമാനം വേര്‍തിരിച്ചറിയാന്‍ കഴിയാതെ പോയെന്നും അന്വേഷണത്തില്‍ കണ്ടെത്തി.
Discussion about this post