ബുദ്ധമത കേന്ദ്രങ്ങളെ ബന്ധിപ്പിച്ചു‌ള്ള ട്രെയിൻ സർവീസ് 19 മുതൽ 26 വരെ. ബുദ്ധനുമായി ബന്ധപ്പെട്ട ഇന്ത്യയിലെയും നേപ്പാളിലെയും 26 കേന്ദ്രങ്ങളെ ബന്ധിപ്പിച്ചാണു സർവീസ്. ഐആർസിടിസി നടത്തുന്ന സർവീസിൽ ലുംബിനി, ബോധഗയ, സാരനാഥ്, ഖുശിനഗർ തുടങ്ങിയ കേന്ദ്രങ്ങൾ ഉൾപ്പെടുന്നു.
എസി ഫസ്റ്റ് ക്ലാസിൽ ഒരാൾക്ക് 1,23,900 രൂപയാണു നിരക്ക്. സെക്കൻഡ് എസിയിൽ 1,01,430 രൂപയ്ക്ക് 2 പേർക്ക് ടിക്കറ്റ് ലഭിക്കും. നേപ്പാൾ വീസയ്ക്കു വേണ്ട ചെലവുകൾ യാത്രക്കാർ വഹിക്കണം. നേപ്പാളിലേക്ക് എസി ബസിലാണ് യാത്ര.എട്ട് ദിവസത്തെ യാത്ര ഒക്ടോബര്‍ 26ന് അവസാനിക്കും.
ഡല്‍ഹിയില്‍ നിന്നാണ് യാത്ര തുടങ്ങുന്നത്. യാത്രയുടെ രണ്ടാം ദിനം ബോധഗയയിലും, മൂന്നാംദിനം നളന്ദ, രാജ്ഗീര്‍ എന്നിവിടങ്ങളിലുമെത്തും. വാരാണസിയാണ് നാലാം ദിവസത്തെ ലക്ഷ്യം. അഞ്ചാം ദിനം ലുംബിനിയിലും, ആറാം ദിനം കുശിനഗറിലും, ഏഴാം ദിനം ശ്രാവസ്തിയിലും, എട്ടാം ദിനം ആഗ്രയിലേക്കുമെത്തി യാത്ര അവസാനിക്കും.
Discussion about this post