കൊച്ചി കാൻസർ സെൻറർ നിർമാണം നിർത്തിവയ്ക്കാൻ കിഫ്ബി നിർദേശം. ഗുണനിലവാരം പാലിക്കുന്നില്ലെന്ന് കണ്ടെത്തലിനെ തുടർന്നാണ് നടപടി. ഗുണനിലവാരമില്ലാത്തതും നിർമാണത്തിലെ കാലതാമസവും കാരണം നിർമാണപ്രവർത്തികൾ നിർത്തിവയ്ക്കാൻ നിർദ്ദേശം നൽകി.
നിർമാണത്തിന്റെ ശോചനീയമായ നിലവാരം ചൂണ്ടിക്കാട്ടി കിഫ്ബിയുടെ ടെക്‌നിക്കൽ ഇൻസ്‌പെക്ഷൻ വിഭാഗം നൽകിയ നിർദേശങ്ങൾ നടപ്പാക്കാത്തതിനെ തുടർന്നാണ് നിർമാണപ്രവർത്തികൾ നിർത്തിവയ്ക്കാൻ എസ്പിവി ആയ ഇൻകെലിന് കിഫ്ബി നിർദേശം നൽകിയത്.
കഴിഞ്ഞ ദിവസം കൊച്ചിൻ കാൻസർ സെന്‍ററിൽ നിർമാണത്തിലിരുന്ന കെട്ടിടഭാഗം ഇടിഞ്ഞു വീണിരുന്നു. അപകടത്തെ തുടർന്ന് കിഫ്ബി നടത്തിയ പ്രാഥമിക പരിശോധനയില്‍ ഇടിഞ്ഞു വീണ കോൺക്രീറ്റ് പാനലുകളുടെയും ഷട്ടറിങ്ങിന്റെയും നിർമാണത്തിൽ ഗുരുതരമായ പിഴവുകൾ
കണ്ടെത്തിയിരുന്നു.നിർമ്മാണത്തിൽ പാലിക്കേണ്ട മാർഗനിർദേശങ്ങളോ മാനദണ്ഡങ്ങളോ ഇൻകെലോ കരാറുകാരനോ പാലിച്ചിരുന്നില്ല.കാൻസർ സെൻററിന് പുറമേ മറ്റ് നാലു പദ്ധതികളും നിർത്തിവയ്ക്കാൻ നിർദേശം നൽകിയിട്ടുണ്ട്.
Discussion about this post