സ്വന്തം സിനിമകളുടെ പ്രമോഷന് ലക്ഷ്യമിട്ട് പൗരത്വനിയമ ഭേദഗതിയില് തെറ്റായ നിലപാടുകള് പ്രചരിപ്പിക്കുന്ന മുഴുവന് അഭിനേതാക്കള്ക്കും കാര്യങ്ങള് ശരിയായി മനസ്സിലാക്കാന് ഇനിയും സമയമുണ്ടെന്ന് ബിജെപി സംസ്ഥാന ജനറല് സെക്രട്ടറി ശോഭ സുരേന്ദ്രന് പറയുന്നത്. തന്റെ ഫേസ്ബുക്ക് പേജിലൂടെയാണ് ഇക്കാര്യം വ്യക്തമാക്കിയത്.
ബില്ലിനെതിരെ രാജ്യത്തു നടക്കുന്ന പ്രതിഷേധങ്ങളെ പിന്തുണച്ച് ടൊവിനൊ, പൃഥ്വിരാജ്, ഇന്ദ്രജിത്ത്, പാര്വതി തിരുവോത്ത് ഉള്പ്പെടെ തുടങ്ങി നിരവധി താരങ്ങള് സാമൂഹ്യമാധ്യമങ്ങളിലൂടെ പ്രതികരിച്ചിരുന്നു. ആരുടെ പക്ഷത്താണ് ഇവര് നില്ക്കുന്നതെന്ന് കേരളത്തിലെ ജനതയ്ക്ക് അറിയാന് താത്പര്യമുണ്ടെന്നാണ് ശോഭ സുരേന്ദ്രന് ചൂണ്ടിക്കാട്ടുന്നത്.
ഇന്ത്യയില് അനധികൃതമായി കുടിയേറിയവര്ക്കൊപ്പമാണോ, അതോ നിയമവിധേയ അഭയാര്ത്ഥികള്ക്ക് പൗരത്വം നല്കാന് നിയമ ഭേദഗതി വഴി തീരുമാനമെടുത്ത കേന്ദ്ര സര്ക്കാരിനൊപ്പമോ എന്നും ജനറൽ സെക്രട്ടറി പോസ്റ്റിലൂടെ ചോദിക്കുന്നു.
ശോഭ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂർണരൂപം:
ജാമിഅ മില്ലിയ സർവകലാശാലയിലെ വിദ്യാർത്ഥികളുടെ പേരിൽ പൗരത്വ നിയമ ഭേദഗതിക്കെതിരേ നടക്കുന്ന ആൾക്കൂട്ട കോലാഹലത്തെ പിന്തുണച്ച പൃഥ്വീരാജ് സുകുമാരൻ ഉൾപ്പെടെയുള്ള അഭിനേതാക്കൾ ചില ചോദ്യങ്ങൾക്കു വ്യക്തമായ മറുപടി പറയണം:
നിങ്ങൾ ആരുടെ പക്ഷത്താണ്? ഇന്ത്യയിൽ അനധികൃതമായി താമസിക്കുന്നവർക്കൊപ്പമോ, അതോ നിയമവിധേയ അഭയാർത്ഥികൾക്ക് പൗരത്വം നൽകാൻ നിയമ ഭേദഗതി വഴി തീരുമാനമെടുത്ത തെരഞ്ഞടുക്കപ്പെട്ട കേന്ദ്ര സർക്കാരിനൊപ്പമോ?
നിങ്ങൾ രാജ്യത്തിനൊപ്പമോ അതോ രാജ്യത്തെ അസ്ഥിരപ്പെടുത്താൻ ശ്രമിക്കുന്നവർക്കൊപ്പമോ?നിങ്ങൾ പാർലമെന്റിനൊപ്പമോ അതോ ഒരൊറ്റ ഇന്ത്യൻ പൗരർക്കും ഈ നിയമ ഭേദഗതി എതിരാകില്ല എന്ന് പ്രധാനമന്ത്രിയും ആഭ്യന്തര മന്ത്രിയും നൽകിയ ഉറപ്പിനു വിലഅരാജകവാദികൾക്കൊപ്പമോ?
ഈ ചോദ്യങ്ങൾ നിങ്ങൾ അഭിമുഖീകരിക്കേണ്ടി വരുന്നു എന്നത് രാജ്യം കടന്നു പൊയ്ക്കൊണ്ടിരിക്കുന്ന അതിപ്രധാന സാഹചര്യവുമായി ചേർത്താണ് കാണേണ്ടത്. പൃഥ്വിരാജും ഇന്ദ്രജിത്തും പാർവതി തിരുവോത്തും ഉൾപ്പെടെ കൈയടിയും ലൈക്കുകളും സ്വന്തം സിനിമകളുടെ പ്രമോഷനും ലക്ഷ്യമിട്ട് പൗരത്വനിയമ ഭേദഗതിയിൽ തെറ്റായ നിലപാടുകൾ പ്രചരിപ്പിക്കുന്ന മുഴുവൻ അഭിനേതാക്കൾക്കും കാര്യങ്ങൾ ശരിയായി മനസ്സിലാക്കാൻ ഇനിയും സമയമുണ്ട്. ഈ ചോദ്യങ്ങൾക്കുള്ള മറുപടിയിൽ അറിയാം നിങ്ങളുടെ തിരിച്ചറിവ് എത്രത്തോളമുണ്ടെന്ന്, തിരുത്താൻ നിങ്ങൾ തയ്യാറുണ്ടോ എന്ന്.
കേരളത്തിന് താൽപര്യമുണ്ട് അതറിയാൻ.
സ്വന്തം വീട്ടിൽ നിന്നുത്ഭവിച്ച വിപ്ലവമെന്ന് ജാമിഅ ആൾക്കൂട്ടത്തെ ഗ്ലോറിഫൈ ചെയ്തവരുടെ മനസ്സിൽ ഇപ്പോഴും അതു തന്നെയാണോ?
https://www.facebook.com/SobhaSurendranOfficial/photos/a.238918589565322/1453917474732088/?type=3&__xts__%5B0%5D=68.ARAL4Ro63Ev7trTp1Ym-c4L-97tz-JYMUK9OpTFmHGS18MMXXG_3yehORpDyvmrM8JaBQSGDQh7cnGZUGbDdXQgJb59KKWF7rcJw3o0q-m6Zi9HLTUop4neLPMgoUHCgrwjFPAOVimczPbKiWvD1c8J4q4A9xXWKyrIMB5H788tssa0D9T5LzuWl7oHroUcAHQSliJx7ETC-eM79L2bev8Pp7gTmX0CyH8qOz9wOEALOPJ2DnMYCNeN3QHuupLq6x3okP4ao1cZIPte4e8kb9kpDroox9QMCyqzsz4BQKbS2-3qWvVOgH0P-S4oFVr4YdaLrwLKcTTe5kmySTtGmSEs1ow&__tn__=-R
Discussion about this post