പുതുവര്ഷത്തില് യാത്രക്കാര്ക്ക് റെയില്വെയുടെ സമ്മാനം. യാത്രയ്ക്കിടെ അന്വേഷണങ്ങളും പരാതികളും ഉന്നയിക്കുന്നതിന് ഒരു മൂന്നക്ക ഹെല്പ്പ് ലൈന് നമ്പര് ഏര്പ്പെടുത്തിയിട്ടുണ്ടെന്ന് പിഐബി പുറത്തിറക്കിയ പ്രസ്താവനയില് പറയുന്നു.139 എന്ന മൂന്നക്ക ഹെല്പ് ലൈന് നമ്പറാണ് റെയില്വെ ഇതിനായി അവതരിപ്പിക്കുന്നത്. ഇത് യാത്രക്കാര്ക്ക് ഈ നമ്പര് ഓര്മ്മിക്കാനും റെയില്വേയുമായി ബന്ധിപ്പിക്കാനും എളുപ്പമാക്കുന്നു.
ഉപഭോക്താക്കള്ക്ക് സംയോജിത സേവനങ്ങള് നല്കുന്നതിനായി 139 ഹെല്പ് ലൈന് നമ്പര് അവതരിപ്പിച്ചതിന്റെ ഭാഗമായി മാറ്റു ആവശ്യങ്ങള്ക്കായി നീക്കിവച്ചിരിക്കുന്ന ഹെല്പ്പ്ലൈന് നമ്പറുകള് നിര്ത്തുവാനും തീരുമാനമായി.
138- പൊതുവായ പരാതികള്
1072 – അപകടങ്ങളും സുരക്ഷയും
9717630982 – SMS പരാതികള്ക്ക്
58888/138 – എന്റെ കോച്ച് വൃത്തിയാക്കുക
152210 – വിജിലന്സ്
1800111321 – കാറ്ററിംഗ് സേവനങ്ങള്
ഐവിആര്എസ് (ഇന്ററാക്ടീവ് വോയ്സ് റെസ്പോണ്സ് സിസ്റ്റം) അടിസ്ഥാനമാക്കി സംയോജിത ഹെല്പ്പ്ലൈന് നമ്പര് 139 പന്ത്രണ്ട് ഭാഷകളില് ലഭ്യമാകുമെന്ന് പ്രസ് ഇന്ഫര്മേഷന് ബ്യൂറോ വ്യക്തമാക്കുന്നു. 139 എന്ന നമ്പറില് വിളിക്കാന് ഒരു സ്മാര്ട്ട്ഫോണിന്റെ ആവശ്യമില്ല, അതിനാല് എല്ലാ മൊബൈല് ഉപയോക്താക്കള്ക്കും എളുപ്പത്തില് ഈ നമ്പറിലേക്ക് വിളിക്കാവുന്നതാണ്. റെയില്വേയിലെ യാത്രയ്ക്കിടെയുള്ള പെട്ടെന്നുള്ള പരാതി പരിഹാരത്തിനും അന്വേഷണത്തിനും സംയോജിത സേവനം സഹായിക്കുമെന്ന് സര്ക്കാര് വ്യക്തമാക്കുന്നു
139 ഡയല് ചെയ്യുന്ന ആര്ക്കും ഹെല്പ്പ്ലൈന് നിയന്ത്രിക്കുന്ന ഐവിആര്എസ് തിരഞ്ഞെടുക്കുന്നതിനുള്ള ഓപ്ഷനുകളുടെ മെനു നല്കും. ുരക്ഷയ്ക്കും വൈദ്യസഹായത്തിനുമായി, യാത്രക്കാരോട് 1 അമര്ത്താന് അഭ്യര്ത്ഥിക്കും, അത് ഉടന് തന്നെ ഒരു കോള് സെന്റര് എക്സിക്യൂട്ടീവുമായി ബന്ധിപ്പിക്കും.
അന്വേഷണത്തിനായി, യാത്രക്കാര് 2 അമര്ത്തണം. അവരുടെ ചോദ്യം പിഎന്ആര് നില, ട്രെയിനിന്റെ വരവ് / പുറപ്പെടല്, താമസം, നിരക്കുകള്, ടിക്കറ്റ് ബുക്കിംഗ് എന്നിവയുമായി ബന്ധപ്പെട്ടതാണെങ്കില് അവര്ക്ക് ഉപ മെനുവിലൂടെ തെരഞ്ഞെടുക്കാനാകും. സിസ്റ്റം ടിക്കറ്റ് റദ്ദാക്കല്, വേക്ക് അപ്പ് അലാറം സൗകര്യം / ഉദ്ദിഷ്ടസ്ഥാന അലേര്ട്ട്, വീല്ചെയര് ബുക്കിംഗ്, ഭക്ഷണം ബുക്കിംഗ് തുടങ്ങിയവയും ഈ സേവനത്തില് ഉള്പ്പെടും.
കാറ്ററിംഗ് പരാതികള്ക്കായി, പൊതു പരാതികള്ക്കായി യാത്രക്കാര് 3 ഉം 4 ഉം അമര്ത്തണം. 5 അമര്ത്തിയാല് യാത്രക്കാര്ക്ക് വിജിലന്സുമായി ബന്ധപ്പെട്ട പരാതി നല്കാന് കഴിയും. ഐവിആര് മെനുവിന്റെ നമ്പര് 6 അപകടസമയത്ത് വിളിക്കാനുള്ളതാണ്. എല്ലാ റെയില്വേ ഉപഭോക്തൃ പരാതികളുടെയും നില 9 അമര്ത്തിയാല് ലഭ്യമാകും കൂടാതെ കോള് സെന്റര് എക്സിക്യൂട്ടീവുമായി നേരിട്ട് സംസാരിക്കുന്നതിന് യാത്രക്കാര് *അമര്ത്തേണ്ടതുണ്ട്
