ഈയിടെ പിടിയിലായ അധോലോക നായകൻ ഇജാസ് ലക്ഡാവാല,കൊടും കുറ്റവാളി ദാവൂദ് ഇബ്രാഹിം പാകിസ്ഥാനിലുണ്ടെന്ന് അന്വേഷണ സംഘത്തോട് വെളിപ്പെടുത്തി.
മുംബൈ ക്രൈംബ്രാഞ്ചിന്റെ ആന്റി എക്സ്ടോർഷൻ സെൽ (ICE) സംഘം അടുത്തിടെ അറസ്റ്റുചെയ്ത ഇജാസ് ലക്ഡാവാല,ദാവൂദ് ഇബ്രാഹീമിന്റെ കൃത്യമായ വിലാസങ്ങളും കൈമാറി.ഏറെ നാളുകളായി പോലീസ് ഉദ്യോഗസ്ഥരുടെ ഉറക്കം കെടുത്തിയിരുന്ന ഇജാസിനെ പാട്നയിൽ വച്ചാണ് അറസ്റ്റ് ചെയ്തത്.
ചോദ്യം ചെയ്യലിൽ, ദാവൂദ് ഇപ്പോഴും കറാച്ചിയിലാണ് താമസിക്കുന്നതെന്നും കറാച്ചിയിലെ രണ്ട് വിലാസങ്ങളും കൃത്യമായി സ്ഥിരീകരിക്കപ്പെട്ടതാണെന്നും ലക്ഡാവാല പറഞ്ഞു
6 A , ഖയാബാൻ ടാൻസിം ഫേസ് -5, ഡിഫൻസ് ഹൗസിങ് ഏരിയ, കറാച്ചി, പാകിസ്ഥാൻ
D -13, ബ്ലോക്ക് 4, ക്ലിഫ്ടൺ, കറാച്ചി, പാകിസ്ഥാൻ.
എന്നീ രണ്ടു വിലാസങ്ങളാണ് ഇജാസ് അന്വേഷണ ഉദ്യോഗസ്ഥർക്ക് നൽകിയത്.
ഡി കമ്പനിയുടെ പ്രധാനികളിലൊരാളായി പ്രവർത്തിച്ചിരുന്ന ഇജാസ് ലക്ഡാവാല,ഛോട്ടാരാജനും ദാവൂദുമായുള്ള പ്രശ്നത്തോടെ വേർപിരിഞ്ഞു ഛോട്ടാരാജനൊപ്പം ചേരുകയായിരുന്നു.
മുംബൈ സ്ഫോടന പരമ്പരകളുടെ സൂത്രധാരനും എണ്ണമറ്റ കേസുകളിലെ പ്രതിയുമായ ദാവൂദ് ഇബ്രാഹിം പാകിസ്ഥാനിലുണ്ടെന്ന് മുന്നേ തന്നെ ഇന്ത്യൻ രഹസ്യാന്വേഷണ ഏജൻസികൾ സംശയം രേഖപ്പെടുത്തിയിരുന്നു .ഇജാസിന്റെ പ്രസ്താവനയോടെ , ഇത് ശരിയാണെന്നാണ് ബോധ്യമാവുന്നത്.
