1965ലും 1972ലും പാകിസ്ഥാനുമായി നടന്ന യുദ്ധങ്ങളില് പ്രത്യേക നിയമനമായി സേനയില് ജോലിചെയ്ത ഓഫീസര്മാര്ക്ക് സ്വാതന്ത്ര്യസമരപെന്ഷന്റെ മാതൃകയില് പെന്ഷന് നല്കാനുള്ള പദ്ധതി പ്രതിരോധമന്ത്രാലയത്തിനു സമര്പ്പിച്ചതായി കരസേനാ മേധാവി ജനറല് മനോജ് നരവനെ അറിയിച്ചു. വിമുക്തസേനാദിനത്തോടനുബന്ധിച്ചുള്ള ചടങ്ങിലാണ് അദ്ദേഹം അത് അറിയിച്ചത്.
1965ലും 1972ലും പാകിസ്ഥാനുമായി നടന്ന യുദ്ധങ്ങളില് സേനയില് ഓഫീസര്മാരുടെ വലിയ കുറവ് അനുഭവപ്പെട്ടിരുന്നു. അപ്പോഴാണ് അടിയന്തിരമായി രണ്ടായിരത്തോളം താല്ക്കാലിക ഓഫീസര്മാരെ കമ്മീഷന് ചെയ്തത്. യുദ്ധം കഴിഞ്ഞപ്പോള് അവര് സേനയില് നിന്ന് വിരമിയ്ക്കുകയും ചെയ്തു.
സേനയില് പെന്ഷന് വാങ്ങാന് വേണ്ട കുറഞ്ഞ കാലാവധിയോളം അവര് സേവനമനുഷ്ഠിച്ചിട്ടില്ലാത്തതിനാല് അവര്ക്ക് സേനാ പെന്ഷന് ലഭിച്ചിരുന്നില്ല.യുദ്ധസമയത്ത് മാറ്റ്ര്ഹമുള്ള താല്ക്കാലിക നിയമനമായിരുന്നതിനാല് മറ്റൊരു ആനുകൂല്യവും അവര്ക്ക് ലഭിച്ചിരുന്നുമില്ല.
ഇങ്ങനെയുള്ളവര്ക്കാണ് 30000 രൂപ പ്രതിമാസ പെന്ഷന് നല്കാനുള്ള നിര്ദ്ദേശം പ്രതിരോധമന്ത്രാലയത്തിനു മുന്നില് സമര്പ്പിച്ചതെന്ന് ജനറല് മനോജ് നരവനെ പറഞ്ഞു. സ്വാതന്ത്ര്യസമരസേനാനി പെന്ഷന് മാതൃകയിലാണ് ഇവര്ക്ക് പെന്ഷന് ഉദ്ദേശിയ്ക്കുന്നത്. വിമുക്തഭടന്മാരും വീരനാരിമാരും അവരുടെ ആശ്രിതരും സേനയുടെ അവിഭാജ്യഘടകമാണെന്നും വിമുക്തഭടന്മാരുടെയും വീരനാരിമാരുടെയും സംരക്ഷണത്തിനും ക്ഷേമത്തിനും വേണ്ട എല്ലാക്കാര്യങ്ങളും സേന ഉറപ്പുവരുത്തുമെന്നും അദ്ദേഹം പറഞ്ഞു.
കഴിഞ്ഞ വര്ഷം വിമുക്തഭടന്മാരായ 240 ഓഫീസര്മാര്ക്കും മറ്റു റാങ്കുകളിലുള്ള 11500 സൈനികര്ക്കും വിരമിക്കലിനു ശേഷം പുതിയ തൊഴില് നേടാന് ആര്മി വെല്ഫെയര് പ്ലേസ്മെന്റ് ഓര്ഗനൈസേഷന് സഹായിച്ചു. ജൂനിയര് കമ്മീഷന്ഡ് ഓഫീസര്മാര്ക്ക് ഹോണററി കമ്മീഷന് ലഭിയ്ക്കുവാന് 20% കൂടുതല് സംവരണം ഏര്പ്പെടുത്തുമെന്നും കരസേനാ മേധാവി അറിയിച്ചു.
1965, 72 യുദ്ധസമയത്ത് ഒരു ആനുകൂല്യങ്ങളും ലഭിയ്ക്കില്ല എന്ന് അറിഞ്ഞുതന്നെ ജീവന് തൃണവല്ഗണിച്ച് സേവനമായി ഇന്ത്യന് സേനയില്ച്ചേര്ന്ന് ശത്രുവിനെതിരേ പൊരുതിയ ഈ സൈനികര്ക്ക് പ്രത്യേക പെന്ഷന് നല്കണമെന്നത് ഏറെനാളാ!യുള്ള ആവശ്യമാണ്. ഇപ്പോള് വാര്ദ്ധക്യത്തിലെത്തിയിരിയ്ക്കുന്ന പലര്ക്കും ഈ പെന്ഷന് വലിയൊരാശ്വാസമാകും. പ്രതിരോധമന്ത്രാലയം അനുഭാവപൂര്വം ഈ നിര്ദ്ദേശം പരിഗണിയ്ക്കുകയാണെന്ന് മന്ത്രാലയവൃത്തങ്ങള് അറിയിച്ചു.
Discussion about this post