അസമിൽ ബിജെപിക്ക് ഏകപക്ഷീയ വിജയം പ്രവചിച്ച് എക്സിറ്റ് പോൾ ഫലങ്ങൾ. ബിജെപി 85-95 സീറ്റുകൾ നേടുമെന്ന് മാട്രിസ് എക്സിറ്റ് പോൾ പ്രവചിക്കുന്നു. ആസ്സാമിലെ ആക്സിസ് മൈ ഇന്ത്യ എക്സിറ്റ് പോൾ ഫലം അനുസരിച്ച് ബിജെപി സഖ്യം 88-100 സീറ്റുകൾ നേടുമെന്ന് പറയുന്നു. 126 സീറ്റുകളുള്ള നിയമസഭയിൽ 64 സീറ്റുകളാണ് ഭരിക്കാൻ ആവശ്യമുള്ള കേവല ഭൂരിപക്ഷമായി വേണ്ടത്. അസമിൽ പ്രധാന പ്രതിപക്ഷമായ കോൺഗ്രസ് തകർന്നടിയും എന്നും എക്സിറ്റ്പോൾ ഫലങ്ങൾ സൂചിപ്പിക്കുന്നു.
അസമിൽ കോൺഗ്രസിന് 25 മുതൽ 32 സീറ്റുകൾ വരെയാണ് എക്സിറ്റ്പോൾ ഫലങ്ങൾ പ്രവചിക്കുന്നത്. കേവലഭൂരിപക്ഷത്തിന്റെ പകുതി സീറ്റുകൾ പോലും നേടാൻ കഴിയില്ല എന്നാണ് ഈ സൂചനകൾ വ്യക്തമാക്കുന്നത്. ബംഗാളിലും കോൺഗ്രസിന് വൻ തകർച്ചയാണ് ഫലങ്ങൾ സൂചിപ്പിക്കുന്നത്. അതേസമയം കേരളത്തിൽ അധികാരത്തിൽ തിരിച്ചെത്തും എന്നുള്ള പ്രവചനം കോൺഗ്രസിന് ആശ്വാസകരമാണ്.
