“ഒരു രാജ്യം, ഒരു റേഷൻ കാർഡ്” പദ്ധതി : ആനുകൂല്യങ്ങൾ ലഭിക്കുന്നത് പന്ത്രണ്ട് സംസ്ഥാനങ്ങൾക്കെന്ന് കേന്ദമന്ത്രി രാംവിലാസ് പാസ്വാൻ

ഇന്ത്യയിലെ 12 സംസ്ഥാനങ്ങളിലെ താമസക്കാർക്ക് “ഒരു രാജ്യം, ഒരു റേഷൻ കാർഡ്” പദ്ധതി പ്രകാരം സർക്കാരിൻറെ നേരിട്ടുള്ള ആനുകൂല്യങ്ങൾ ലഭിക്കുന്നുണ്ടെന്ന് കേന്ദ്ര ഉപഭോക്തൃ, ഭക്ഷ്യപൊതുവിതരണ മന്ത്രി രാം വിലാസ് പാസ്വാൻ പ്രഖ്യാപിച്ചു. ഈ പദ്ധതിക്ക് കീഴിലുള്ള ഇന്ററാ പോർട്ടബിലിറ്റി ഇതിനകം തന്നെ മറ്റ് 16 സംസ്ഥാനങ്ങളിൽ ആരംഭിച്ചുകഴിഞ്ഞു.ആന്ധ്രാ പ്രദേശ് , ഹരിയാന, കർണാടക, കേരളം, മധ്യപ്രദേശ് , രാജസ്ഥാൻ, മഹാരാഷ്ട്ര, തെലങ്കാന, ത്രിപുര, ഗുജറാത്ത്, പഞ്ചാബ് ,ജാർഖണ്ഡ്, എന്നീ 12 സംസ്ഥാനങ്ങളിൽ ഒരു രാജ്യം, ഒരു റേഷൻ കാർഡ് പദ്ധതി പൂർണ്ണമായും പ്രയോഗികമാണെന്ന് തെളിഞ്ഞുവെന്നും മന്ത്രി പ്രസ്താവിച്ചു.

ഈ സംസ്ഥാനങ്ങൾക്ക് പുറമെ ,മറ്റ് നാല് സംസ്ഥാനങ്ങളായ ബീഹാർ, യുപി, ഒറീസ, ഛത്തീസ്ഗഡ്‌ എന്നിവയുടെ ചില മേഖലകളിൽ ഭാഗികമായി ഈ പദ്ധതി നടപ്പിൽ വരുത്തിയിട്ടുണ്ടെന്നും, ഈ സംസ്ഥാനങ്ങളിലെ മുഴുവൻ പ്രദേശങ്ങളും പൂർണ്ണമായും നടപ്പിലാക്കുന്നതിനുള്ള പ്രവർത്തനങ്ങൾ പുരോഗമിക്കുകയാണെന്നും പാസ്വാൻ അവകാശപ്പെട്ടു.