ഗതാഗത നിയമ ലംഘകരെ കയ്യോടെ പിടികൂടാൻ ആധുനിക സംവിധാനങ്ങൾ മോട്ടോർവാഹനവകുപ്പ് രംഗത്തിറക്കി. ഒന്നര കിലോമീറ്റർ ദൂരത്തു നിന്നേ കൃത്യമായ ദൃശ്യങ്ങൾ പകർത്തുന്ന ഹൈ ക്ലാരിറ്റി ക്യാമറയുള്ള ഇന്റർസെപ്റ്റർ ഘടിപ്പിച്ച വാഹനങ്ങളാണ് മോട്ടോർവാഹനവകുപ്പ് പുതിയതായി നിരത്തിലിറക്കിയത്. പരിശോധനയ്ക്കായി വാഹനങ്ങൾ തടഞ്ഞു നിർത്താതെ തന്നെ പരിശോധിക്കാൻ സാധിക്കുമെന്നതാണ് ഇതിന്റെ മേന്മ. വാഹന നമ്പർ സ്കാൻ ചെയ്ത് വിവരങ്ങൾ ഉദ്യോഗസ്ഥർക്ക് കൈമാറാനും, വാഹനം വരുന്ന വേഗത അളക്കാനും കഴിയുന്നതോടൊപ്പം, ഹെൽമറ്റ്, സീറ്റ് ബെൽറ്റ് ആർ.സി വിവരങ്ങൾ എന്നിവയും നിമിഷനേരം കൊണ്ട് പരിശോധിക്കാൻ ഉദ്യോഗസ്ഥർക്ക് സ്ഥാപിക്കും.
നികുതി കുടിശ്ശിക,പിഴ കുടിശ്ശിക എന്നിങ്ങനെയുള്ള സർവ്വവിധ ഗതാഗത നിയമ ലംഘനങ്ങളുടെയും വിവരങ്ങൾ ക്ഷണനേരം കൊണ്ട് ലഭിക്കും. മദ്യപിച്ച് വാഹനമോടിച്ചാൽ പരിശോധിക്കാനുള്ള ബ്രീത്ത് അനലൈസർ, വാഹനങ്ങളുടെ ലൈറ്റ്, ഗ്ലാസ്, ഹോൺ എന്നിവ പരിശോധിക്കാനുള്ള ഉപകരണങ്ങളും ഇന്റർസെപ്റ്റർ ഘടിപ്പിച്ച വാഹനത്തിൽ ഉണ്ട്. നിലവിൽ കൊല്ലം ജില്ലയിലാണ് ഈ വാഹനം രംഗത്തിറങ്ങിയിട്ടുള്ളത്. വൈകാതെ മറ്റു ജില്ലകളിലും ഉടനടി ഇന്റർസെപ്റ്റർ വാഹനങ്ങൾ പരിശോധനയ്ക്ക് ഇറങ്ങും.
Discussion about this post