ലണ്ടന്‍: ബ്രിട്ടീഷ് ബാങ്ക് അക്കൗണ്ടില്‍ കുടുങ്ങിയ ഹൈദരാബാദ് നൈസാമിന്റെ സമ്പാദ്യം ഇന്തയ്ക്ക് ലഭിച്ചു. 1948 സെപ്റ്റംബര്‍ 20 മുതല്‍ ദേശീയ വെസ്റ്റ്മിന്‍സ്റ്റര്‍ ബാങ്ക് അക്കൗണ്ടില്‍ കുടുങ്ങിയ 35 മില്യണ്‍ ഡോളറിന്റെ (325 കോടി രൂപ)സമ്പാദ്യം യുകെ ഹൈക്കമ്മീഷന് ലഭിച്ചതായി ലണ്ടനിലെ ഇന്ത്യന്‍ സര്‍ക്കാര്‍ ഉദ്യോഗസ്ഥരാണ് സ്ഥിരീകരിച്ചത്. ഇതോടെ 70 വര്‍ഷം പഴക്കമുള്ള നിയമ തര്‍ക്കത്തിനാണ് പരിഹാരമായത്.
കഴിഞ്ഞ ഒക്ടോബറില്‍ ലണ്ടന്‍ ഹൈക്കോടതിയില്‍ ആറ് വര്‍ഷമായി പാകിസ്ഥാനെതിരെ പോരാടിയ കേസില്‍ ഇന്ത്യയ്ക്കും ഹൈദരാബാദിലെ എട്ടാം നൈസാമായ മുക്കാറം ജയ്ക്കും ഇളയ സഹോദരന്‍ മുഫഖാം ജയ്ക്കും അനുകൂലമായി ഹൈക്കോടതി വിധി പ്രസ്താവിച്ചിരുന്നു. കോടതി വിധി വന്ന ഉടന്‍ ബാങ്ക് കോടതിയിലേക്ക് പണം കൈമാറിയിരുന്നു.
ലണ്ടന്‍ ഹൈക്കോടതിയില്‍ കേസു നടത്തിയതിനുള്ള ഇന്ത്യയുടെ നിയമപരമായ ചിലവിന്റെ 65% പാക്കിസ്ഥാന്‍ 2.8 ദശലക്ഷം ഡോളര്‍ (26 കോടി രൂപ) ഇന്ത്യന്‍ സര്‍ക്കാരിന് നല്‍കിയിട്ടുണ്ട്. കുടിശ്ശിക വരുത്തിയ ചിലവുകള്‍ സംബന്ധിച്ച് ഇപ്പോഴും ചര്‍ച്ച നടക്കുന്നതായി ലണ്ടനിലെ ഒരു ഇന്ത്യന്‍ നയതന്ത്രജ്ഞന്‍ പറഞ്ഞു.
35 ദശലക്ഷം ഡോളറിന്റെ ഇന്ത്യയുടെ പങ്ക്, ദശലക്ഷക്കണക്കിന് പൗണ്ടായി കണക്കാക്കപ്പെടുന്ന ഒരു വലിയ തുകയാണ് . ഈ തുക ഉടന്‍ തന്നെ ഇന്ത്യന്‍ സര്‍ക്കാരിന് കൈമാറും.ഒരു മില്യണ്‍ ഡോളറും ഒരു ഗിനിയും കേന്ദ്രീകരിച്ചായിരുന്നു 70 വര്‍ഷത്തിലേറെ നീണ്ട തര്‍ക്കം നിലനിന്നത്. 1948 സെപ്റ്റംബര്‍ 20 ന് ഹൈദരാബാദ് ബാങ്ക് അക്കൗണ്ടില്‍ നിന്ന് ഹൈദരാബാദ് സംസ്ഥാനത്തെ ധനമന്ത്രിയായിരുന്ന മൊയിന്‍ നവാസ് ജംഗ് ലണ്ടനിലെ ഒരു ബാങ്ക് അക്കൗണ്ടിലേക്ക് ഈ തുക മാറ്റി. ഹൈദരാബാദ് സംസ്ഥാനം ഇന്ത്യയുടെ ഭാഗമായതോടെ പാക്കിസ്ഥാന്റെ അന്നത്തെ ഹൈക്കമ്മീഷണര്‍ ഹബീബ് ഇബ്രാഹിം റഹ്മത്തുള്ള ഈ തുക കൈവശം വച്ചിരുന്ന ഇത് 35 മില്യണ്‍ ഡോളറായി വളര്‍ന്നു. 1965 ല്‍ നിസാം ഈ തുക ഇന്ത്യക്ക് നല്‍കിയിട്ടുണ്ടെന്ന് പറഞ്ഞ് ഇന്ത്യ ഫണ്ടിന്റെ അവകാശവാദം ഉന്നയിച്ചു.
